秋意 (成業工業大廈)

营业中

休息中

虽然观塘人多车多，但系我都几钟意去观塘工厂区觅食，揾啲小店试吓，发掘惊喜。之前都有听过朋友话秋意嘅豉油鸡好好食，平时唔食鸡皮嘅佢，连呢间嘅鸡皮都会食埋，仲话好滑好好味。今次就到我嚟试吓堂食啦。去骨豉油鸡饭，豉油鸡烹调后色泽较深，品尝过后觉得味道唔会过咸，反而带少少甜。肉质滑溜，唔会柴口，啖啖肉。白饭表面洒上饭素，伴芝麻酱油麦菜沙律，仲有半只糖心蛋，配搭丰富，平衡返成个便当。酸菜鱼大大盘酸菜鱼上枱嘅时候好吸晴，份量几大，两个人都差啲食唔晒。酸菜调味几开胃，微微花椒香，除咗鱼片仲有好多配料，包括芽菜、木耳、枝竹、宽粉。最钟意食酸菜鱼入边嘅宽粉，吸晒汤底味，烟烟韧韧。平日晚餐时间都keep住有客人，仲有不少外卖单，证明都好多人钟意食呢度嘅菜式，钟意食鸡嘅朋友记得嚟试吓。