HAND3AG (源成中心) (已結業)

一落机太肚饿想快手买餐外卖又唔想求其食一餐就算，经过观塘买咗呢间三文治店嘅外卖，睇餐牌见到有好多选择，除咗招牌特色三文治、自选沙律同小食外，仲有牛角包窝夫同奶昔，款款都好似好正咁唔觉意嗌咗好多，就算系外卖拎到返屋企都依然好味，如果喺观塘老母想快食高质快餐可以试试佢呀～自选沙律罗马生菜、吞拿鱼块、西兰花、烤鸡肉、菠萝、是拉差蛋黄酱呢个价钱有齐1份沙律菜加4款配料算抵食，而且配料选择又好多，实有一款啱你，是拉差蛋黄酱味道似普通蛋黄酱但多咗啲辣味，唔同一般沙律酱。虾兵蟹将铁板三文治足料到令我唔知点开始食～钟意佢哋嘅自制醋渍红萝卜丝，酸香味道同炸软壳蟹好夹，啖啖龙虾肉又夹住甘蓝菜沙律、青瓜等，好fresh～Oreo牛角包窝夫卖相一流好吸引，食落好酥脆，加埋唔算好甜嘅忌廉同Oreo饼碎，甜品控要试试！冻黑咖啡 / Oreo沙冰咖啡唔会太淡或太浓；见好多人嗌Oreo沙冰，天气开始热饮佢就最啱！