Comfy by Chef's Stage (東廣場)

营业中

休息中

观塘有唔少吸引嘅食店，呢日我哋去左comfy食下午茶。环境唔错，坐得都几舒服佢哋有个自助位置，比客人攞餐具及水。水包括有汽冻水及普通热水，好细心我哋总共点左三个小食，以及两个饮品。呢度嘅饮品好吸引😊餐牌上嘅好多配搭都好想试😊紫薯鲜奶颜色好靓，上边有两朵紫色小花装饰都好抢眼。佢哋嘅饮品唔单止外观好睇，味道都的确唔错！紫薯味道浓郁，配合埋牛奶成杯嘅感觉好幼细绵密。意式咖啡蛋糕奶昔味道浓郁，柔和的口感，满载香香嘅咖啡味。火腿芝士三文治好香口，咸咸香香好好味。薯条都揸得干身香脆。喜欢这一种比较干身的薄饼，饼底充满着面粉香味，下面配搭亦都几好味，包括慢煮猪肉、菠萝、洋葱等等。第一次食素肉丸，口感好得意，味道系有豆和菇菌类嘅味，配料仲有唔同嘅瓜菜，非常健康。喺呢个餐厅坐下，饮下野食下野，倾吓计，感觉其实都好舒适😊系约朋友嘅好地方。