川霸王 (已結業)

今日去开观塘，朋友介绍话鸿图中心有个美食广场，咁就去睇睇有乜好嘢食啦。云云美食之中拣咗食川菜，因为佢个驰名酸菜鱼吸引咗我😋，以前喺国内做嘢成日食酸菜鱼都觉得好好味，咁我睇下佢今次呢个做成点样先。🤗一大碗酸菜鱼，鱼肉都好多块😍😍，绝对够𩠌饭。食落去仲好好味，酸酸甜甜辣辣，味道层次感应有尽有，而且D肉质非常之滑嫩可口，一啲都唔「鞋飒飒」👍🏻👍🏻👍🏻，所以肉质加味道配合，再配埋白饭，简直系天作之合。💯💯另外仲点咗两款小食一个红抽炒手同埋炸云吞，个炸云吞好好味入面好多馅料出面外脆内软，又无炸㶶晒好好味。🥰🥰最后加个四季春冰茶结尾，完满嘅午餐🤗环境质素🏚：❤️❤️❤️❤️❤️卫生程度🧽：❤️❤️❤️❤️❤️美味程度😋：❤️❤️❤️❤️❤️抵食指数🤩：❤️❤️❤️❤️❤️回头指数🤩：❤️❤️❤️❤️❤️