鴨仔冰室 (已結業)

一睇以为佢系普通冰室，点知系一间怀旧格局既扒房，一开餐厅已经比佢个大虾牛扒所吸引，仲嗌埋佢个丹麦猪排配薯条，所有套餐你都可以拣配薯条/薯蓉/饭，仲配埋餐饮，沙律同餐汤就二拣一。首先上左沙律同餐汤，沙律用画意大利黑醋，酸酸甜甜好开胃，是日餐汤系意大利杂菜汤，都几足料。去到主菜，牛柳超厚，同埋好重既炭烤味，应该系上铁板前预先炭烤过，餐厅无问生熟，但生熟程度啱啱好，食落重牛味而无筋，大虾水准备都唔错。不过最估唔到系丹麦猪排最有惊喜，肉质几嫩有肉汁，唔似一般猪扒会易「鞋」，最后再嗌左心太软配云呢拿雪糕，为今餐画上一个完美既句号。整体食物质素唔错，上菜快，侍应都好帮助，要热水同茄汁都即时拎比我，下次经过依头应该会再黎食。