Pentola (裕民坊YM²) (已結業)

最近想食手工意粉，所以拣左间近屋企附近既餐厅试下。餐厅楼底高，空间感大，座位间都算阔落，望落环境唔错。餐厅餐牌食物种类唔算多，意式食物为主。食物价钱适中，大部份每款都系一百左右。每款意粉都几吸引，于是我最后拣左一款自家制肉丸阔扁面黎试。阔扁面卖相吸引，面质软硬适中，唔会太淋或者太硬，口感弹牙，食得出系真手工意粉，酱汁味道亦都唔错。但好可惜既系肉丸既肉质太差，淡而无味，破坏左成道菜，希望餐厅可以改善一下。