新匯聚打冷小廚 (已結業)

去到观塘地铁站附近，口痕痕想打个冷，就拣咗呢间食。门口有啲难揾，差啲睇唔到，佢系＂高兴＂附近，如果我揾唔到，就会行咗入去高兴🤣入到去都好大好通气，不过就冷气唔多够。除咗侧边既卡位，中间都系啲大大小小既圆枱，甚有大排档feel。先嚟一碟鹅片，鹅肉唔够香滑，不过个卤水汁就几好味。成碟都系得面头𠮶16块，而底下嘅豆腐冇变味完全食得番晒（我试过其他地方有变坏）跟住落嚟就系炸蚝饼，由于炸粉太多，令到每一啖都食唔到蚝，不过炸粉炸得几脆唔会一口油。算啦，都要比人赚下。另外牛筋腩唔错，牛肉味道够香，忟得够冧，而汤底有啲似猪肚汤味，而九肚鱼就大条细碟，脆卜卜啱送酒。最后𠮶胃争少少，叫左碟梅子骨，甜酸味好浓，不过就食唔出咩梅味。其实如果争少少唔够饱，呢间野有简单中式糖水叫，不过我就无试过，又唔系好见其他食客叫。