鴻圖樓

营业中

休息中

是晚到了观塘打卡名点鸿图楼食晚饭，七点多来到几乎全店都订咗枱，原来今晚有春茗。餐牌都几多嘢拣，睇嚟睇去，都系炸嘢最吸引🤭⭐京式素鸭先来份素鸭，虽然有个鸭字但系其实同鸭系一啲关系都冇嘅，素鸭用腐竹造成一卷卷，咬落有千层口感，外层炸过更香酥，点少少醋就好好味。⭐蒜香九肚鱼仲叫咗九肚鱼，餐牌叫蒜香九肚鱼，但其实同出面街嘅椒盐九肚鱼差唔多，炸过嘅九肚鱼上面再加上炸蒜，又香又脆。⭐七彩火鸭丝最后仲有七彩火鸭丝，有三色椒、西芹、洋葱、红萝卜、鸭肉等切丝，颜色好睇又好食。⭐白饭咁好𩠌梗系要叫返碗白饭啦～鸿图楼真系好热闹，二楼三楼全部订满咗，气氛轻松愉快～