魔膳廚房 (已結業)

晚上7:30上到黎餐厅，见到很热闹坐左好多食客，book左位所以黎到可以即时入座。店员告知系自助式晚餐，$238/位，我地话ok就坐低左。见到四周围食客一家大细食得好欢乐。坐低后店员告知每台会送一客龙虾汁海鲜拼盘，我地上网睇图好吸引，话等大约15分钟会上，叫我地出去拎住野食先，服务态度亲切。出到去拎野食见到好多选择，由沙律、冷盘、汤、热食、甜品等，真系好吸引！哩碟系每台送的海鲜拼盘，鲍鱼好大只呀，惊喜！仲有虾、青口、鱿鱼等，配龙虾汁将海鲜鲜味提升。鲍鱼好爽口又新鲜，好正！泰式食物都有，鱼饼同串烧都好味，炒饭都干身。甘笋粟米忌廉汤好香甜，又creamy，好饮。一入到黎已经俾佢d甜品吸引住，特别系见到玫瑰花糕点好靓好想试！系大菜糕味既甜品，泰式风味。一件件切饼好都食，特别系柚子蛋糕，芝士蛋糕。连台式仙草芋圆都有，真系多选择，不过芋圆偏硬，普通。