No. 5 Lounge (已結業)

今日喺studio做完嘢，返屋企前想去chill下饮杯嘢，但又唔想特登搭车去第二区，上网揾到呢间新开嘅酒廊。虽然佢喺food court入边，但系佢嘅位置比较入，而且感觉比较别树一格，啲台台櫈櫈都系我喜欢嘅风格，播埋英文歌，仲有可以睇波嘅大电视，最重要系佢性价比高，cocktail60-70有交易。适逢佢呢期万圣节，所以佢都因能主题有啲特别嘅饮品。我试左佢个荔枝martini，味道都好浓，唔似其他淡到冇味，冇乜料到，呢度饮一杯都已经好放松。佢面头嘅荔枝系新鲜果肉，中间加一粒新鲜蓝莓，道好似一粒眼睛咁，够晒应节。另外仲试埋佢杯巨峰提子tequila，同样地浓度都系童叟无欺，但因为巨峰提子嘅关系，呢一杯会比较甜，相对更易入口。另外佢唔似其他酒吧俾花生你，而系可以嗌爆谷，真系饮返杯，食住爆谷睇下波，都好舒服架。