影片
更多
2016-06-24
1846 浏览
放工去左观塘揾老友，行左一阵我已经叫哂肚饿，咁紧系问下响观塘返工既佢有咩好推介啦！佢知我钟意食放题，就带左我黎依一间。地点黎讲都算方便，就响APM隔离，行完街买完野想食餐饱既就够哂就脚。间野响八楼，占地全层算几大，行去座位时我仲见到有独立间开既房，方便想要少少私人空间既朋友聚会添！不过我地今次只系walk-in，人又唔多，当然冇份坐啦放题最紧要系多野食，依间就满足到啦！咁多张落单纸又有唔同款式既野，黎几次都随时未试得哂！值得一提既系佢地d野饮唔系间间放题都有，例如道地苹果茶，又有樽装咸柑桔咁，绝对系一个加分位刺身上台，唔似好多放题会就咁堆到好大兜，依度d刺身新鲜之余又砌得靓，食落心情都靓d啦熟食方面依间都好多选择，有蟹粥简直系惊喜！煲得好绵，叫完一份之后我忍唔住再encore多次响menu见到见到有鲍鱼海鲜炒饭，好奇叫左一份黎试，饭粒炒得几香几干身分明，又有鲍鱼粒，只系太细兜，不过唔紧要啦，放题就系要试多d野，真系觉得唔够咪再叫多d手卷寿司天妇罗都有叫d，不过就冇影相，因为一上台我老友已经闪电手夹走几件，天妇罗炸得几好又冇油溢味，抵赞！食到最尾会有一人一杯哈根达斯雪糕，为晚餐划上完满句
地点黎讲都算方便，就响APM隔离，行完街买完野想食餐饱既就够哂就脚。
间野响八楼，占地全层算几大，行去座位时我仲见到有独立间开既房，方便想要少少私人空间既朋友聚会添！不过我地今次只系walk-in，人又唔多，当然冇份坐啦
放题最紧要系多野食，依间就满足到啦！咁多张落单纸又有唔同款式既野，黎几次都随时未试得哂！值得一提既系佢地d野饮唔系间间放题都有，例如道地苹果茶，又有樽装咸柑桔咁，绝对系一个加分位
刺身上台，唔似好多放题会就咁堆到好大兜，依度d刺身新鲜之余又砌得靓，食落心情都靓d啦
熟食方面依间都好多选择，有蟹粥简直系惊喜！煲得好绵，叫完一份之后我忍唔住再encore多次
响menu见到见到有鲍鱼海鲜炒饭，好奇叫左一份黎试，饭粒炒得几香几干身分明，又有鲍鱼粒，只系太细兜，不过唔紧要啦，放题就系要试多d野，真系觉得唔够咪再叫多d手卷寿司天妇罗都有叫d，不过就冇影相，因为一上台我老友已经闪电手夹走几件，天妇罗炸得几好又冇油溢味，抵赞！
食到最尾会有一人一杯哈根达斯雪糕，为晚餐划上完满句号。总括黎讲系一次唔错既晚餐！
张贴
