巷仔內

营业中

休息中

前排同朋友去开观塘工厂区买野，见到呢间餐厅嘅网上评价唔错，又咁岩想食台湾野，就简咗呢间餐厅试下。餐厅环境舒适，行简约木约风，座位亦都好宽敞；餐厅去到16:00-21:00仲会提供饮料无限畅饮，包括绿茶同冬瓜茶，个人特别推介绿茶，茶味香浓，最紧要佢系无糖嘅，够哂健康！🍗 手撕巨大炸半鸡👍炸鸡外脆内嫩，非常juicy；岩岩拎上台个阵，炸鸡仲系热辣辣，味道好似平时食盐酥鸡嘅味道。炸鸡喺平日只会14:30后供应，星六日同假日全日都有供应，每日数量有限，想食嘅话要趁早食！🍜 犇三宝牛肉面 配阳春面👍👍牛肉面配料非常丰富，有牛筋、牛肚同牛肉，汤底非常香浓，带微辣花椒味，而阳春面亦都非常挂汤，附送嘅溏心蛋亦都非常出色，做到半流心效果。🍚 府城虾卷鲁肉便当👍虾卷经过油炸之后，外皮非常香脆，内里嘅鱼浆亦都非常弹牙，再配上软嫩嘅鲁肉，好岩捞埋白饭一齐食。🥢马告香肠 配香浓芝士酱马告香肠其实就系台湾香肠，马告即系山胡椒，系台湾原住民经常用到嘅一种调味料，配埋芝士酱一齐食，味道更丰富。🥢快乐地瓜球地瓜球外层脆卜卜，口感非常Q弹，每一粒地瓜球都可以食到多重口感，味道香甜，但个人觉得紫薯味比较香浓。