金記冰室 (Two Harbour Square) (已結業)

观塘本来已有金记，最近又有一间新开金记冰室，位置在伟业街，附近比较多办公室。QR code落单，方便自己，而且唔怕落错单。晚市有小菜供应：海南鸡套餐（$65）：鸡肉大件啖啖肉，配油饭一流；虽然少左辣酱，但都有姜蓉酱及甜豉油。拍姜菜心炒牛肉（$58）：够姜，菜心都算嫩，牛肉冇犯茶餐厅通病，冇落太多松肉粉。椒盐猪扒（$63）：有镬气，炸蒜好香，好好捞饭的一味𩠌。粟米鱼柳（$61）：一样好好捞饭，因为有我最爱嘅忌廉粟米汁！小菜加$15跟餐后，饮品半价，更抵饮！呢度仲有奶茶、蛋卷可以外卖！