潮叔 (駱駝漆大廈第三座) (已結業)

🔸五宝米线 $52🔸咖喱牛腩饭 $58🔸加配小食 +$12@-骆驼漆新开嘅饭堂，主打潮汕风味，小妹乡下都系潮州紧系要朝圣下～叫咗碗五宝米线，有齐虾丸、牛丸、鱼丸、鱼皮饺同鱼册，汤底拣咗比较清淡嘅猪骨汤，另外仲有麻辣汤可以拣的。男朋友就食咖喱牛腩饭，咖喱好浓郁好味，牛腩燘得够稔又有牛味，仲有啲薯仔添。另外$12就可以加配一款小食，今日好肚饿所以叫咗好几款。凉拌云耳、青瓜、皮蛋，麻辣好香好开胃！蒜香鸡翼即叫即炸热辣辣，加埋炸蒜食好惹味。仲有好耐冇食过嘅潮州韭菜粿，一解思乡情怀啊！