影片
更多
2021-11-05
748 浏览
观塘嘅嘢食我已经食得7788，因为系依头返工，每星期都会揾一、两间餐厅先。呢排喺IG见过唔少次呢间餐厅，因为系新开所以未试，都有见到朋友系story去咗食pancake，身为观塘嘅地胆当然要一睹为快。Be leaf系一间喺观塘新开嘅cafe，系长沙湾人气cafe Boholic 既姊妹店，同长沙湾一样，餐厅非常适合打卡，以波希米亚风为主。食物方面，Be leaf主打一系列西餐主食同甜品菜，而且系一间宠物友善餐厅，可以带狗仔坐喺室外嘅位置。餐厅系观塘嘅工厂区，皇庭广场附近，所以算系远离最繁忙嘅开源道，对出系马路同巴士站，之前有去过附近饮茶，原来喺华嫂隔离，未转弯已经见到，因为门面非常显眼。餐厅面积几大，以半开放式设计，分别有室外同室内座位选择。装修同长沙湾一样贯彻东南亚糅合波希米亚风，门口有大型花拱门，令人心花怒放，要行去呢个门口之前，沿路有石春路，设计非常用心，充满异国风情，好似去咗峇里岛咁，有去旅行嘅感觉。座位都好令人吸睛，喺入口嘅右手边两张藤椅既厢坐四人位，加上藤制家私同灯饰，左边都有三张可以同阳光挥手既座位，室外嘅座位都可以比毛孩坐。去到𠮶时已经见到有人带左三只狗坐咗系藤椅位，走
Be leaf系一间喺观塘新开嘅cafe，系长沙湾人气cafe Boholic 既姊妹店，同长沙湾一样，餐厅非常适合打卡，以波希米亚风为主。
食物方面，Be leaf主打一系列西餐主食同甜品菜，而且系一间宠物友善餐厅，可以带狗仔坐喺室外嘅位置。
餐厅系观塘嘅工厂区，皇庭广场附近，所以算系远离最繁忙嘅开源道，对出系马路同巴士站，之前有去过附近饮茶，原来喺华嫂隔离，未转弯已经见到，因为门面非常显眼。
餐厅面积几大，以半开放式设计，分别有室外同室内座位选择。装修同长沙湾一样贯彻东南亚糅合波希米亚风，门口有大型花拱门，令人心花怒放，要行去呢个门口之前，沿路有石春路，设计非常用心，充满异国风情，好似去咗峇里岛咁，有去旅行嘅感觉。
座位都好令人吸睛，喺入口嘅右手边两张藤椅既厢坐四人位，加上藤制家私同灯饰，左边都有三张可以同阳光挥手既座位，室外嘅座位都可以比毛孩坐。去到𠮶时已经见到有人带左三只狗坐咗系藤椅位，走𠮶时四点仲夸张，见到有条队个个都带左狗仔，目测起码有10只狗。入到去仲会见到大家喺峇里岛见到既鸟巢吊椅，如果去过峇厘岛嘅大家一定唤起好多回忆，门口都有唔少植物做点缀，充满大自然嘅感觉。餐厅夜晚可以预约，不过日头就只可以walkin。
入到去餐厅嘅座位都几多，够阔落坐得舒服，店内仲会有干花吊饰，设计同室外一致。
呢度系用手机QR code落单，如果系星期六日就系Brunch Menu，除咗all day breakfast，仲有好似薄饼、酸种包、bagel、意粉等嘢食。另外仲有甜品同饮品嘅Menu。
-
1️⃣ 法式焦糖卡士达梳乎厘斑戟 💰128（👅: 7.5/10）
法式焦糖卡士达梳乎厘斑戟
$128
15 浏览
1 赞好
0 留言
斑戟咬落去外层系松软，有少少空气感，入边质感就比较实在啲，会好似咬蛋糕咁，因为外层会比较湿润，整体未到好似幸福班戟咁有空气感。
斑戟食落有少少蛋香味，不过同时间会有少少油溢味。而上面嘅卡士达酱入口算滑，食落唔会太甜，不过份量我觉得可以再多啲，食到最后有少少唔够酱。上边嘅焦糖薄脆，令到口感更加丰富，不过略嫌有啲过窿，食落有啲烧焦既苦味。味道上未算有惊喜，可能酱再多啲味道再重口味啲会更好。
-
2️⃣ 糯夫 💰88（👅: 7.5/10）
糯夫
$88
33 浏览
1 赞好
0 留言
窝夫有四大块，份量都唔少，因为加左糯米，所以口感偏软糯，入边系比较扎实，比较有嚼劲，同平时食好脆既窝夫唔同。
味道上窝夫系冇咩味道，系要靠同芒果或者椰子雪糕一齐食，芒果可能唔系时令，所以未算非常之甜，但都唔会酸，而椰子雪糕甜度足够，但要一啖入边食到芒果、椰子同窝夫有难道，最多都系将芒果或者窝夫浸落椰子雪糕到，配搭上系几新奇，不过如果直接将椰浆淋落窝夫上可能更好。
-
3️⃣ 苹果金宝火炙焦糖蛋卷 💰72（👅: 8/10）
苹果金宝火炙焦糖蛋卷
$72
14 浏览
1 赞好
0 留言
虽然影相关系所以雪糕有啲融，不过冇影响到甜品嘅味道，蛋卷本身食落好似普通蛋糕咁，但食食下就发现入边收埋咗好多苹果肉，每食一啖好似寻宝咁，蛋卷味道本身唔错不过有味道突出嘅苹果金宝，再加上冰冻嘅雪糕。雪糕上面同埋蛋卷出边嘅嘅焦糖酱令到佢味道更加丰富，虽然份量唔算多，不过对比其他甜品嘅价钱。呢个性价比算唔错。
-
4️⃣ 香黑椒猪手蒜香意大利面 💰138（👅: 7.5/10）
香黑椒猪手蒜香意大利面
$138
27 浏览
1 赞好
0 留言
-
5️⃣ Papaya Mango Smoothie 💰52（👅: 7.5/10）
Papaya Mango Smoothie
$52
18 浏览
1 赞好
0 留言
Smoothie入口质地唔算太浓稠，但又唔似冰沙，饮落去木瓜味比较饮到，芒果味有啲俾佢盖过，饮落去系清新，唔会太甜，但整体生果味未算突出，唔知系咪加咗乳酪，但乳酪又唔算好出。
-
6️⃣ Strawberry Avocado Smoothie 💰52（👅: 7.5/10）
呢一杯系士多啤梨牛油果嘅Smoothie，睇落好似士多啤梨奶昔咁。
入口一样唔算好浓稠，会饮到士多啤梨味但牛油果味唔算太出，但士多啤梨味又唔算好甜，又唔算好酸，如果味道再重啲会更好。
-
🌟食物来讲，呢度嘅甜品会比主菜更吸引，咁多款甜品入边最钟意苹果金宝，较有惊喜，我有喺boholic食过佢嘅招牌梳乎厘斑戟，因为佢系半熟质地，而且份量超大份，味道上比起呢度嘅斑戟更加有惊喜。
比起食物，我觉得依度嘅环境更加吸引，如果好钟意影相记得日头早啲嚟，因为室外嘅门口位置有限，如果你系有养狗就更加适合，因为有好多主人都有带狗过嚟呢度，分分钟可以帮狗仔识到新朋友。
-
👅味道: 8/10
🍴环境: 8/10
💰消费: $150-250pp (服务费: 10%)
张贴
