影片
更多
2016-02-27
739 浏览
今日同细妹出咗去APM行街，谂住顺便去「一杯」食晚餐。点知去到先发现原来东亚信用卡个优惠已经冇左>< 要比正价价钱。呜呜呜⋯⋯亚妹建议去行过APM隔离个亚太中心睇下，话果度有好多新餐厅。由APM行去大约两分钟（极近！），去到楼下睇下个水牌，见到有间叫大满屋既日式放题！5点半前入座第二位半价！！！望一望，仲有几分钟就到5点半！谂都唔谂就搭䢂冲左上去10楼！ 一开䢂门，见到成间餐厅已经坐满左一半！吓亲我呢！另外令我惊讶既系间餐厅装修得好modern, 感觉好亁净企理，比起其他日式放题餐厅感觉舒服好多。星期四5点半前入座，第一位$258，第二位半价，任食两个钟！餐厅比左张4人卡位我地坐，一坐低，侍应就同我地讲饮品雪糕雪条果d喺出面任攞，其他食物同甜品就剔纸order!出到去见到有超多饮品，樽装罐装纸包都有，有冻有唔冻，好贴心！虽然我唔食雪糕，不过见到个雪糕柜有好多选择，连雪糕糯米糍都有：） 攞左樽果汁先生就返埋位睇下有咩食，争取时间吖嘛！先黎一盘刺身！回本之作！哗！好大盘，放题黎讲呢盘刺身都摆得都好有心思同诚意，份量仲多到食完都已经饱左一半，哈哈！d刺身比我想
亚妹建议去行过APM隔离个亚太中心睇下，话果度有好多新餐厅。由APM行去大约两分钟（极近！），去到楼下睇下个水牌，见到有间叫大满屋既日式放题！5点半前入座第二位半价！！！望一望，仲有几分钟就到5点半！谂都唔谂就搭䢂冲左上去10楼！
一开䢂门，见到成间餐厅已经坐满左一半！吓亲我呢！另外令我惊讶既系间餐厅装修得好modern, 感觉好亁净企理，比起其他日式放题餐厅感觉舒服好多。
星期四5点半前入座，第一位$258，第二位半价，任食两个钟！餐厅比左张4人卡位我地坐，一坐低，侍应就同我地讲饮品雪糕雪条果d喺出面任攞，其他食物同甜品就剔纸order!
出到去见到有超多饮品，樽装罐装纸包都有，有冻有唔冻，好贴心！虽然我唔食雪糕，不过见到个雪糕柜有好多选择，连雪糕糯米糍都有：）
攞左樽果汁先生就返埋位睇下有咩食，争取时间吖嘛！先黎一盘刺身！回本之作！哗！好大盘，放题黎讲呢盘刺身都摆得都好有心思同诚意，份量仲多到食完都已经饱左一半，哈哈！d刺身比我想像中新鲜肥美，特别系油甘鱼甜虾同三文鱼！仲有第一次食珍珠黑鸟贝，食落好似北寄贝，好甜好好味！
因为呢排中医叫我唔好食咁多生冷野，所以冇再叫寿司，主攻其他热食料理！
食物种类有好多，不过可惜我个胃只有一个，又唔想食唔哂浪费食物，所以只系点左天妇罗、吉列蚝、芝麻鸡翼、烧虾、鸡软骨串、帆立贝烧，全部都热辣辣好味道！特别系天妇罗同芝麻鸡翼，前者粉浆好薄虾又弹牙，后者炸得好香口又唔算油！正！特别一提呢间日式放题竟然有泰式鳯爪，仲要系超好味，不过如果唔食得辣就唔好点喇，因为都几辣下
本来仲想点个锅物黎食下，不过真系已经太饱，唯有下次再试！最后叫左两个甜品，木槺布甸同桂花糕，细细个几精致，又唔算太甜！唔错！
最后一定要赞一赞系，食左两个钟，完全冇漏单，侍应态度亦都好好！走既时候都见到不断有客人入去！呢间可以翻兜！如果星期一至三仲平d㖭！
张贴
