Kowloon East Kitchen (已結業)

终于完成一个大project，一身都松晒。要好好奖励下自己同慰劳下自己个胃。Kowloon East Kitchen正合我心意。小食拼盘左边系炸鱿鱼须，好似已经摆左段时间，变得软淋淋。中间系薯角，新鲜炸，十分香脆。右边系芝士波波，外脆内软，拉到丝。随小食仲有三个酱任君选择，有蕃茄，蛋黄，同牛油果。最突出嘅系蛋黄酱，其他普通。芥末蟹肉长通粉个酱调得好好味，但食唔出芥末嘅辣味。长通粉好弹牙。好快食晒成碟，都不见蟹肉踪影。座位尚算舒适，但餐厅内播放嘅音乐过于吵耳，同餐厅格调有点违和感。客人说话音量都不期然提高。结果有啲似去酒楼饮早茶咁纷纷扰攘。