影片
更多
2015-06-08
503 浏览
我地次次落观塘食晚饭，多数都系去APM入面啲餐厅。老公话佢朋友介绍左一间唔错嘅楼上CAFE，所以今晚就带我地嚟食好嘢呀~入面环境都好舒服，用左好多粉色系列，又摆放左钢琴同公仔，再加上小旗帜，整个感觉都唔错呀~除左大厅之外，仲有一间房可包场用呀~老板娘非常好人，系我地仲未决定食乜时，就请小小猪饮橙汁啦~好一位唔知丑嘅小小猪...哈哈哈~肉酱意粉就最啱小小猪~依个为食小小猪就以行动证明好食，因为佢一个人差唔多食晒成碟~老公话佢朋友大力推介猪脾餐，所以我地都ORDER左一SET试试啦！真系冇介绍错，只猪脾大大只之余，外皮就松松脆脆，肉质就好嫩滑，而且个味道唔会过咸或冇味，几啱我俩口味~不过我就当那几条肠仔印象就比较深，因为一般我对肠仔感觉都系多味精同劲韧。但跟餐依几条美味肠完全冇依两个问题，个皮薄薄得嚟，啲肉又好弹牙，食落仲唔觉有味精呀(因为食完都完全唔渴水呀)~老公嘅牛奶樽无冰冻奶茶，好香浓嘅茶味，入口又好滑，就连我唔"好"奶茶嘅我都偷偷地饮左几啖呀~我就饮姜蜜，姜味都好浓，而且又唔会太甜，仲有好多粒粒姜呀~食完主菜就到甜品时间，小小猪又嚟发挥佢唔知丑嘅一面，不停问老板娘有冇甜品，最后老板
入面环境都好舒服，用左好多粉色系列，又摆放左钢琴同公仔，再加上小旗帜，整个感觉都唔错呀~
除左大厅之外，仲有一间房可包场用呀~
老板娘非常好人，系我地仲未决定食乜时，就请小小猪饮橙汁啦~
好一位唔知丑嘅小小猪...哈哈哈~
肉酱意粉就最啱小小猪~
依个为食小小猪就以行动证明好食，因为佢一个人差唔多食晒成碟~
老公话佢朋友大力推介猪脾餐，所以我地都ORDER左一SET试试啦！真系冇介绍错，只猪脾大大只之余，外皮就松松脆脆，肉质就好嫩滑，而且个味道唔会过咸或冇味，几啱我俩口味~
不过我就当那几条肠仔印象就比较深，因为一般我对肠仔感觉都系多味精同劲韧。但跟餐依几条美味肠完全冇依两个问题，个皮薄薄得嚟，啲肉又好弹牙，食落仲唔觉有味精呀(因为食完都完全唔渴水呀)~
老公嘅牛奶樽无冰冻奶茶，好香浓嘅茶味，入口又好滑，就连我唔"好"奶茶嘅我都偷偷地饮左几啖呀~
我就饮姜蜜，姜味都好浓，而且又唔会太甜，仲有好多粒粒姜呀~
食完主菜就到甜品时间，小小猪又嚟发挥佢唔知丑嘅一面，不停问老板娘有冇甜品，最后老板娘就请佢食雪糕呀~
依只为食猪见到佢至爱，真系好似眼仔发光咁呀~
除左雪糕，老板娘仲请小小猪食佢自家制嘅红萝卜蛋糕~
最后就系我俩嘅甜品米糠布甸及意式奶冻~
其实两款味道都好吸引，不过我个人就极力推荐意式奶冻，因为牛奶味重得嚟口感又滑滑呀~
第一次嚟楼上CAFE食晚餐，仲唔到真系好有惊喜，所以我地都决定下次再去观塘食嘢时，都会再嚟依间试埋其他嘢食。
张贴
