影片
更多
2018-11-30
46 浏览
今日收工同女朋友去试下依间川味私房菜，我地两个都好钟意食辣野，所以就拣咗依间试吓。佢个location 都相当方便，喺观塘地铁站B出口，步行5分钟就到。虽然系工厂大厦，但大堂装修得非常靓，餐厅喺14楼，需要搭lift去到13楼再行一层楼梯。一去到老板同老板娘都非常热情招待我哋，因为系星期六21:30 所以唔算太迫。不过如果平时可能会比较多人，所以打去订枱会比较好。冷盘我哋叫咗个醉鸡，除咗酒之外仲用咗一啲药材，所以食起上嚟带点药膳嘅感觉。用料都非常新鲜，鸡都非常滑。然后老板娘仲推介左个生蚝，叫我地试吓。一开始都有少少犹豫，因为好少喺中餐馆食生蚝，都会怕担心唔新鲜。但生蚝唔单止新鲜仲非常大只，完全唔需要用任何酱料，因为非常鲜味。主菜我哋叫咗个海参鸡煲，都觉得几特别。记得海参要煮来小小先好食，除咗用料新鲜之外，系佢将个鸡煲酱汁调校得非常好，唔会好似出面𠮶啲一味得个咸字。唔太咸重辣味仲有少少麻味，我哋今次叫咗个中辣，不过如果下次食嘅话可以叫佢加重少少麻味会比较好。之后我哋仲叫咗两个金豪土司，简直好似中式嘅鹅肝土司。依个金豪非常肥美，同土司非常爽脆，一定要趁热食。除咗肉之外当然蔬仲有菜啦，呢个辣
佢个location 都相当方便，喺观塘地铁站B出口，步行5分钟就到。
虽然系工厂大厦，但大堂装修得非常靓，餐厅喺14楼，需要搭lift去到13楼再行一层楼梯。
一去到老板同老板娘都非常热情招待我哋，因为系星期六21:30 所以唔算太迫。
不过如果平时可能会比较多人，所以打去订枱会比较好。
冷盘我哋叫咗个醉鸡，除咗酒之外仲用咗一啲药材，所以食起上嚟带点药膳嘅感觉。用料都非常新鲜，鸡都非常滑。
然后老板娘仲推介左个生蚝，叫我地试吓。一开始都有少少犹豫，因为好少喺中餐馆食生蚝，都会怕担心唔新鲜。
但生蚝唔单止新鲜仲非常大只，完全唔需要用任何酱料，因为非常鲜味。
主菜我哋叫咗个海参鸡煲，都觉得几特别。记得海参要煮来小小先好食，除咗用料新鲜之外，系佢将个鸡煲酱汁调校得非常好，唔会好似出面𠮶啲一味得个咸字。唔太咸重辣味仲有少少麻味，我哋今次叫咗个中辣，不过如果下次食嘅话可以叫佢加重少少麻味会比较好。
之后我哋仲叫咗两个金豪土司，简直好似中式嘅鹅肝土司。依个金豪非常肥美，同土司非常爽脆，一定要趁热食。
除咗肉之外当然蔬仲有菜啦，呢个辣椒炒椰菜花真系非常嘢味，就算唔钟意食蔬菜，用嚟送饭都一流。
最后老板仲叫我地试吓个新菜式，辣椒爆虾真系非常好食，因为本身已经剪开左，所以食起嚟都好方便，只虾本身又好新鲜同好大只，真系不得不试。
张贴
