東羅 泰館 (已結業)

观塘出名多隐世小店，呢间就位于裕民坊，主打多款泰国fusion料理，环境阔落舒适，装修带点小清身feel，望落都几高级🤣 价钱合理，地点方便，值得到访😋前菜同小食有好多选择，脆炸猪颈肉配青芒果沙律感觉好fresh，猪颈肉唔嚡，仲好juicy添！椰菜花原个上，卖相吸引，大大个，软硬度适中，配上微辣嘅青咖喱酱，点埋脆脆嘅薄饼真系好match，性价比高，开胃又美味🤤大推呢度嘅泰式咸蛋黄金薯条，咸蛋黄酱好出色，每啖都食到粒粒松化起沙嘅感觉，配上炸至金黄色又酥脆可口嘅薯条，好邪恶但会忍唔住一啖接一啖咁食😭 爱了爱了😛 另外有炭烤烧鱿鱼须，份量偏少，爽口弹牙，带点烧烤味～东罗泰卤猪手望落好干但食落完全系两回事😂 猪手几腍但未到超级入味，如果有多块豆腐就好啦～ 主食当然唔少得街头大虾炒金边粉，炒至干身，但记得要早啲食，唔系嘅话会黐埋一齐，虾有两大只，捞埋旁边嘅碎碎同芽菜都唔错！