影片
更多
2021-12-24
24 浏览
平安夜嘅下昼，我同朋友都有得收早，所以嚟到观塘海滨聚一聚，原来而家观塘海滨整得好靓，仲有好多唔同设施，包括好多小食店，我哋坐咗喺呢间小食店嘅枱前边，睇住空地嘅人玩滑板，同一时间望住个海同天， 十分写意。呢度有唔同款式嘅Pizza、三文治、小食和沙律可选，我哋今日就食咗个藜麦毛茄沙律（ $48 ）、香草杂菌薄饼（ $48 ）同埋牛仔肠（ $58 ）。个藜麦沙律都好大兜，藜麦好多、除咗沙律菜仲有毛茄、粟米粒同埋秋葵，有一兜沙律酱可以自己落，感觉非常健康，蔬菜新鲜又清新。至于薄饼就主要系杂菌、车厘茄及芝士，适合素食者，味道一般。牛仔肠都好多，仲连埋沙律，感觉都几抵，呢只肠唔会好咸，味道适中，喜欢嘅都可以自己加啲茄汁。作为一间小食店，佢提供嘅饮品款式算相当多，有果汁、汽水及酒类，我要了一支热情果果汁（ $38 ），朋友则拣了「护肤天使」（ $38 ），其实即系菠萝、雪梨及青柠汁，佢话味道都OK。轻轻松松就过了一个晏昼，唔使同人迫又有靓景睇，而且消费低，都系几好嘅地方啊。
呢度有唔同款式嘅Pizza、三文治、小食和沙律可选，我哋今日就食咗个藜麦毛茄沙律（ $48 ）、香草杂菌薄饼（ $48 ）同埋牛仔肠（ $58 ）。
个藜麦沙律都好大兜，藜麦好多、除咗沙律菜仲有毛茄、粟米粒同埋秋葵，有一兜沙律酱可以自己落，感觉非常健康，蔬菜新鲜又清新。
至于薄饼就主要系杂菌、车厘茄及芝士，适合素食者，味道一般。
牛仔肠都好多，仲连埋沙律，感觉都几抵，呢只肠唔会好咸，味道适中，喜欢嘅都可以自己加啲茄汁。
作为一间小食店，佢提供嘅饮品款式算相当多，有果汁、汽水及酒类，我要了一支热情果果汁（ $38 ），朋友则拣了「护肤天使」（ $38 ），其实即系菠萝、雪梨及青柠汁，佢话味道都OK。
轻轻松松就过了一个晏昼，唔使同人迫又有靓景睇，而且消费低，都系几好嘅地方啊。
张贴
