影片
更多
2023-05-24
109 浏览
📌 矶の水产 - 观塘海滨道133号万兆丰中心地下3号舖🗓(24/5) 星期三 ⏰ 晚上7点左右 💈特式：今日收工过左观塘揾一个系个边返工嘅朋友食饭，朋友介绍去食呢间矶の水产，佢话试过佢地嘅set lunch质素唔错，又抵食，所以想嚟试埋佢地晚市食物。🥩🍔🌭🌮🥗🥯🥘🍲🍝🍣🥟🍤🍱食物：因为我未食过呢间餐厅，我朋友比较有经验，所以点菜方面就交晒比佢发板，餐厅晚市都系以散叫为主，而家等我同大家讲下🎌🏮味道先。火龙卷 $88 - 呢个就系炸虾卷，但本身我以为只系普通嘅炸虾卷，但叫得火龙卷应该会有少少唔同，原来佢表面好似千岛酱嘅酱汁系辣的，配埋好脆口嘅炸虾，香辣好味。香葱吞拿鱼腩卷 $88 - 呢个系朋友推介比食，佢地唔会净系用葱，当中应该仲加左少少京葱，个葱香味进一步提升左，真系水准之作。蟹肉牛油果沙律 $78 - 日式餐厅嘅沙律一直都系做得唔错，呢间都唔例外，表面有满满嘅蟹肉，下面就系新鲜牛油果同沙律菜，配以日式胡麻沙律酱，简单得嚟好清新。豚肉芦笋卷 $68 - 如果牛肉同金菇系绝配的话，咁豚肉同芦笋都唔会比佢地逊色，呢间餐厅个豚肉芦笋卷个灵魂系表面上嘅酱汁，令到成个菜更
🗓(24/5) 星期三 ⏰ 晚上7点左右
💈特式：今日收工过左观塘揾一个系个边返工嘅朋友食饭，朋友介绍去食呢间矶の水产，佢话试过佢地嘅set lunch质素唔错，又抵食，所以想嚟试埋佢地晚市食物。
🥩🍔🌭🌮🥗🥯🥘🍲🍝🍣🥟🍤🍱
食物：因为我未食过呢间餐厅，我朋友比较有经验，所以点菜方面就交晒比佢发板，餐厅晚市都系以散叫为主，而家等我同大家讲下🎌🏮味道先。
火龙卷 $88 - 呢个就系炸虾卷，但本身我以为只系普通嘅炸虾卷，但叫得火龙卷应该会有少少唔同，原来佢表面好似千岛酱嘅酱汁系辣的，配埋好脆口嘅炸虾，香辣好味。
香葱吞拿鱼腩卷 $88 - 呢个系朋友推介比食，佢地唔会净系用葱，当中应该仲加左少少京葱，个葱香味进一步提升左，真系水准之作。
蟹肉牛油果沙律 $78 - 日式餐厅嘅沙律一直都系做得唔错，呢间都唔例外，表面有满满嘅蟹肉，下面就系新鲜牛油果同沙律菜，配以日式胡麻沙律酱，简单得嚟好清新。
豚肉芦笋卷 $68 - 如果牛肉同金菇系绝配的话，咁豚肉同芦笋都唔会比佢地逊色，呢间餐厅个豚肉芦笋卷个灵魂系表面上嘅酱汁，令到成个菜更完美，豚肉同芦笋做得一d都唔干唔硬，仲keep到好juicy
海鳗天妇罗 $48 - 朋友介绍话好少居酒屋会用海鳗做天妇罗，所以叫我试下，系同平时食开嘅海鳗有好唔同嘅感觉，相信送酒真系一流。
鸡肉丸串 $78 - 呢个鸡肉丸串我比好高分，因为佢d鸡肉入面有加鸡软骨碎，每口淋滑嘅鸡肉质地上加配脆口嘅口感，再沾埋佢地提供嘅日本蛋拌酱油，更加好味道。
鳗鱼炒饭 $138 - 主食就叫左个鳗鱼炒饭，好钟意佢放上面嘅紫菜丝，鳗鱼肉都好多，一碟份量应该够3~4个人食。
☕️🍵🥤🧋🍺🍷🥃🍹🧉🍾🍶🥛
饮品 : 始终呢间系居酒屋，酒类真系多到一个点，清酒都有差唔多30款不同种类，另外仲有柚子酒/梅酒，几款日本啤酒等等，不过今日有几声咳，所以就无叫酒了，都系乖乖地饮茶算，佢地会提供一壸玄米茶比客人，壸内见到大量炒香过嘅米，茶味几香。
🍽环境：餐厅邻近观塘海滨公园，只系一条马路之隔，店面用上全部落地大玻璃，店外内都挂左好多日式嘅红灯笼，餐厅内布置/布局就类似日本食开嘅居酒屋/矶烧水产店咁上下。
🤵🏻🤵🏻♀️🤵🏻♂️服务：店员服务好好，有好详细咁介绍menu，上菜/收碟/加水时都好有礼貌，但又会留到合适距离/私隐度比客人，因为始终系居酒屋，嚟帮衬嘅客人大多都系三两知己倾计吹水。
💰💸价钱：系一间居酒屋叫左咁多野食，埋单都唔洗$600，呢个价钱系香港都已经算抵食，但朋友介绍佢地嘅lunch set更加抵食，希望下次有机会可以试下。
🐲💬总结：整体嚟讲，我对今次呢餐饭都非常满意，包括食物质素/环境/气氛等等，期待试埋佢地嘅lunch set同浜烧海鲜。
推荐指数：❤️❤️❤️❤️❤️
火龙卷
$88
6 浏览
0 赞好
0 留言
香葱吞拿鱼腩卷
$88
3 浏览
0 赞好
0 留言
蟹肉牛油果沙律
$78
17 浏览
0 赞好
0 留言
豚肉芦笋卷
$68
5 浏览
0 赞好
0 留言
海鳗天妇罗
$48
1 浏览
0 赞好
0 留言
鸡肉丸串
$78
1 浏览
0 赞好
0 留言
鳗鱼炒饭
$138
6 浏览
0 赞好
0 留言
张贴
