影片
更多
2023-01-27
331 浏览
星期六同呀妈去观塘换智能身份证，整完顺便喺附近食埋晚餐。我哋好少行嚟呢边，以为无乜餐厅，但原来都唔系，其中有一间叫「森乐小厨」，阿妈睇完餐牌话啱食😜。店舖装修简约舒服🌿，但如果平日午市坐满人，可能就会有少少迫。小店有唔少熟客嚟买外卖，店员态度亲切有礼。餐厅主打星马菜式🇲🇾🇸🇬，例如有肉骨茶、海南鸡、串烧、喇沙、小菜同炒粉面饭等。佢定价属中等水平，而下午茶餐就几抵食。森乐海南鸡饭($68)，海南鸡饭系餐厅嘅招牌菜，套餐内容完整，卖相吸引👍。海南鸡去咗骨，大大啖肉，食用方便。我无加钱转鸡髀，但即使系鸡胸，肉质都非常嫩滑🐔。鸡肉新鲜冇雪味，配上三色酱汁食，还原传统风味。餐汤系椰子红萝卜鸡汤🥥，汤品味道清甜，椰子香扑鼻，无添加味精，而且仲难得一啲都唔油腻。油饭色泽均匀🍚，并渗出淡淡油香，饭粒分明，软硬适中，食落感觉无乜负担。另外佢仲跟咗个凉拌开胃菜，醋浸木耳，酸酸哋开胃又爽脆。黄金软壳蟹($148)，阿妈指定话要食软壳蟹🦀，菜式摆盘比较随意，但味道取胜。软壳蟹切开咗，但夹埋应该足两只，蟹衣皮薄唔韧、蟹肉肥美鲜香。黄金意指咸蛋黄🍳，炸软壳蟹蘸满金沙汁，咸香味浓，充满流沙口感。香茅猪扒($38)，
星期六同呀妈去观塘换智能身份证，整完顺便喺附近食埋晚餐。我哋好少行嚟呢边，以为无乜餐厅，但原来都唔系，其中有一间叫「森乐小厨」，阿妈睇完餐牌话啱食😜。
店舖装修简约舒服🌿，但如果平日午市坐满人，可能就会有少少迫。小店有唔少熟客嚟买外卖，店员态度亲切有礼。
森乐海南鸡饭
$68
7 浏览
0 赞好
0 留言
森乐海南鸡饭($68)，海南鸡饭系餐厅嘅招牌菜，套餐内容完整，卖相吸引👍。海南鸡去咗骨，大大啖肉，食用方便。我无加钱转鸡髀，但即使系鸡胸，肉质都非常嫩滑🐔。鸡肉新鲜冇雪味，配上三色酱汁食，还原传统风味。
餐汤系椰子红萝卜鸡汤🥥，汤品味道清甜，椰子香扑鼻，无添加味精，而且仲难得一啲都唔油腻。
油饭色泽均匀🍚，并渗出淡淡油香，饭粒分明，软硬适中，食落感觉无乜负担。另外佢仲跟咗个凉拌开胃菜，醋浸木耳，酸酸哋开胃又爽脆。
黄金软壳蟹($148)，阿妈指定话要食软壳蟹🦀，菜式摆盘比较随意，但味道取胜。软壳蟹切开咗，但夹埋应该足两只，蟹衣皮薄唔韧、蟹肉肥美鲜香。黄金意指咸蛋黄🍳，炸软壳蟹蘸满金沙汁，咸香味浓，充满流沙口感。
香茅猪扒($38)，我哋见呢个小食几平就嗌吓，估唔到仲有成两大块。🐷猪扒嘅香茅味道突出，相当惹味，但就咁食有少少干，如果配酱汁食应该更出色，就例如咖喱猪扒饭咁。
饮品方面，跟餐可享优惠价，我哋要咗冻柠檬薏米水🍋同埋冻蜂蜜红枣茶❤️，嘢饮超级大杯。两款都系自家制健康饮品，而且预设少甜，适合现今口味。
总括嚟讲，我哋竟然无意中喺观塘海滨，发掘咗水准不俗嘅星马滋味😊。今餐睇落唔系嗌咗好多嘢食，但份量足，饱到近乎食唔晒。餐厅设有多人套餐，堂食同外卖都有，有兴趣嘅不妨试吓。
张贴
