磯の水產

营业中

休息中

假日又出去走走，去咗观塘海滨长廊散步，附近泊车都几平🅿️ ，$4 / $10 半个钟都有，可以一去再去！行到日落黄昏，去对面间居酒屋🏮食埋野先走，质素都唔错👍🏻🥗 刺身沙律酱油伴三文鱼、吞拿鱼、油甘鱼，鲜甜味美。再配沙律菜够晒fresh ，捞埋啲沙律醋酸酸甜甜好开胃。🦐炸白虾第一次食炸白虾，质感香软酥脆。虾味非常突出，有法似食紧虾条。炸得干身，无油腻感，好食👍🏻🍢猪腩串烧、鸡肉大葱上到枱仲出紧烟，热辣辣好惹味！每串都份量十足，好聚手🤣。猪腩烧到脂香扑鼻，食落又唔会太附脂肪，岩岩好。鸡肉嫩嫩的，大葱甜甜的，味道好夹。🦀牛油果软壳蟹卷软壳蟹炸得好酥脆，同牛油果🥑一齐食中和返炸物嘅肥腻感。牛油果控必食！🐠鳗鱼炒饭去到边都要食鳗鱼炒饭😄。热哄哄嘅炒饭用珍珠米炒成，饭粒分明好干爽，而且每啖都食到鳗鱼肉，好有满足感。🍨 椰子雪糕饭后甜品椰子雪糕～！用新鲜椰肉制造，奶味香浓，口感似雪糕，其实是雪葩。