影片
更多
2021-09-04
1044 浏览
话说某日有个老友 Whatsapp 我，话好耐冇见，不如揾日出黎食饭，我心谂你都得啦，肯定比仔飞至蒲头啦，咁好啦，我做下好人，应约啦，但我个位老友拣野食同拣朋友一样，唔高质唔拣 (?) 咁我都唔敢怠慢，即刻揾下有咩好食先，突然灵机一触，有间野之前想食好耐，好多朋友都推介过呢间野，但一系电话唔通，一系 Full Booking，咁我即管再打去，居然有人听，仲 Book到枱，果然系上天眷顾的女孩，一定系平时做得好事多，一定系 (哈)到了约会当日，原来佢有唔同套餐选择，咁既然一场黎到，咁我拣个最贵的套餐试下佢先，佢一黎就每人都奉上一碗汤，应该系炖汤黎，都几足料，但建议唔好食晒 D 配料，净饮汤好啦，亲饮到咁上下都开始上菜了，全程有专人服侍，大部份都有人夹埋比你，几好💋金银蒜蒸龙虾，D 蒜蓉比得都几多，但味道唔太够，如果咸少少会更好食，龙虾方面都几大只下，一”了”佢就出黎，弹牙唔会过老💋泰式酱蒸肉蟹，佢比埋个钳你开蟹钳，一开就可以好完整咁食到蟹肉，肉味鲜甜，来货应该都几新鲜下，而肉身方面可能我朋友拣错汁，唔太夹，可能清蒸都够，佢泰式得黎太酸，咁我开始明白佢点解又单身了 (拍肩)💋果皮蒸饱鱼，个
话说某日有个老友 Whatsapp 我，话好耐冇见，不如揾日出黎食饭，我心谂你都得啦，肯定比仔飞至蒲头啦，咁好啦，我做下好人，应约啦，但我个位老友拣野食同拣朋友一样，唔高质唔拣 (?) 咁我都唔敢怠慢，即刻揾下有咩好食先，突然灵机一触，有间野之前想食好耐，好多朋友都推介过呢间野，但一系电话唔通，一系 Full Booking，咁我即管再打去，居然有人听，仲 Book到枱，果然系上天眷顾的女孩，一定系平时做得好事多，一定系 (哈)
到了约会当日，原来佢有唔同套餐选择，咁既然一场黎到，咁我拣个最贵的套餐试下佢先，佢一黎就每人都奉上一碗汤，应该系炖汤黎，都几足料，但建议唔好食晒 D 配料，净饮汤好啦，亲
饮到咁上下都开始上菜了，全程有专人服侍，大部份都有人夹埋比你，几好
💋金银蒜蒸龙虾，D 蒜蓉比得都几多，但味道唔太够，如果咸少少会更好食，龙虾方面都几大只下，一”了”佢就出黎，弹牙唔会过老
💋泰式酱蒸肉蟹，佢比埋个钳你开蟹钳，一开就可以好完整咁食到蟹肉，肉味鲜甜，来货应该都几新鲜下，而肉身方面可能我朋友拣错汁，唔太夹，可能清蒸都够，佢泰式得黎太酸，咁我开始明白佢点解又单身了 (拍肩)
💋果皮蒸饱鱼，个侍应都好锅心下，佢会帮你起埋壳，你只需要用叉轻轻一拮就能够食到，唔使自己黎咁狼狈，呢个做法果然系最安全，鲍鱼大只得黎又唔会过熟，果皮似乎从枝头摘下的一缕淡淡的柑香中，又赋予了时光的味道。陈皮的香气，完全渗入到鲍鱼的肉体，赋予了鲜鲍绵足丰腴的口感和浓郁甘香的味道，一点点苦香后，是陈皮的甜和鲍鱼的鲜。而呢一切，应该系归功于我识得拣方法去食佢 XD
💋剁椒多宝鱼，多宝鱼唔好睇佢咁扁，原来都几多肉下，夹杂住剁椒，呢个组合简直冇得弹，唔使问，又系我拣 XD
💋沙爹酱蒸鱿鱼肠粉，呢个系必点, 沙爹酱完全渗入左系鱿鱼同肠粉之中，劲正, 我地系争食到好似非洲儿童咁
💋金银蒜蒸妃蚌，D贝壳类海鲜我好怕去食，因为无论我点浸都好，D沙都系你唔留意的一刻攻击你，好贱，成只就浪费左，出街食都有 20%左右有呢个情况(自己计)，可以叫佢换过碟比我， 咁呢度我见佢点左，咁我都好小心翼翼咁食，好彩冇事，而又唔会蒸过老
💋豉汁蒸蛏子，我又系好怕食到 D 蛏子有沙，好破坏气氛，好彩有刚才的经验，食得好放心，不过我嫌佢豆豉落得过份慷慨，咸左少少，我直头将佢清除左 D后才食得到，不过我食食下听到有侍应话卖晒了，所以想食呢个的话记住早D到
💋泰式酱蒸生蚝，嗯，今次又系个酱问题，有少少酸，但出奇地冇蟹咁大件事，都唔错，佢蒸完出黎都KEEP到大只，未至于缩晒水
💋八宝蒸饭，我地拣左虾酱猪腩肉，秘制鸡软骨肉饼，榨菜肉丝，柱侯牛粒，蒜香茄子，腊肠，豉汁排骨，佢临熟之前提早拎左葱同花生上枱先，但D葱好似有点熟口面，呀，记得啦，好似出前丁丁个D脱水葱咁，可能入货太多吧，到熟的一刻，一阵清香的味道扑面而至，就算之前食几多都好，即刻食欲大增，减肥?? 食得㗎 ?? 今次我地拣的配料都几好，唯独系牛粒，佢应该用上好瘦的牛腩，有点痴牙，最后都食唔晒佢
最后佢会奉上糖水，佢的出现好似沙漠中的救星咁出现，咁岩我地加钱的汽水都饮完，有佢可以解一解渴，又唔会太甜，几好，不过建议大家黎食饭最好带件外套仔，食紧都OK，到尾声就黎料，吹到头仔都痛了
人均价格－ hkd 200~300 (dinner )
评分－ ❤️❤️❤️❤️❤️ (最高6分）
20 浏览
0 赞好
0 留言
张贴
