巧得鍋 (已結業)

系成运工业大厦行上1楼就会见到巧得锅。依度主打特色汤底火锅鸡煲，有好多种选择，亦系坊间比较少见嘅味道。我哋今次叫咗青藤椒鲜辣牛杂锅试吓，之后再加其他火锅配料打边炉。汤底有得自选辣度，就返个别口味。入座之后就会提供九款酱料，两碟小食同埋青藤椒凉拌花胶。呢个配搭几新鲜，作为开胃小食都几好。牛涮锅都好足料，有齐金钱肚、牛心、牛肺、牛肠等等。平时街边牛杂得一细碗，依度可以实现牛杂自由😂 配上青滕椒汤底就辣辣地，又唔会太过油腻，煮到啲牛杂都几入味。火锅配料方面，挂架安格斯牛颈脊上枱好有气势，可以打卡。其他配菜可以拣半份双拼，咁就算人少都可以试到唔同种类。值得一赞系餐厅抽气做得几好，唔会烟雾离漫，食完都唔会一阵味喺身上。另外服务都几周到，我哋唔小心弹到汤喺身上，员工都即刻递上湿纸巾。餐枱座位都有足够空间，应该都几适合一班人嚟用餐。