MOO MOO

营业中

休息中

今日同朋友嚟呢度揾嘢食，入面有好多唔同种类嘅餐厅，朋友想食burger，但我唔太想食，所以拣咗食沙律。经典之堡 $60朋友极力推荐！汉堡包大大个好吸引！咬落去嘅时候牛肉好多肉汁，呢个价钱而言性价比高！烟猪颈肉沙律配凯撒沙律酱 $54估唔到系一间汉堡包店都可以食得健康啲！沙律份量都好多，蔬菜好新鲜，猪颈肉份量十足！薯条$25薯条都炸到脆卜卜，不过有啲太干身，建议食芝士肉酱或者肉汁芝士薯条会更加好！云呢嗱奶昔$35云呢嗱味重，而且好细滑，不过如果稠啲就会更加满足！最后，呢间小店最新奇嘅地方系可以饮啤酒，一边食一边望住都几多枱客人啤一啤中，可惜听日要返工，如果唔系都可以同朋友小斟一杯😋😋