Le Three (已結業)

今日同女朋友行完apm,想揾间有有特色既餐厅食个晚饭医下肚仔咁，所以我地就黎左Le Three 度食。餐厅装修简约，有海边码头餐厅既感觉。我地叫左两个set dinner:餐汤有龙虾汤，主食有红菜头忌廉汁鸡肉鲜虾阔蛋面(HKD 148)同埋照烧厚切比目鱼扒(HKD 188)，前菜就有烟三文鱼藜麦沙律。而餐饮就有鲜杂果红莓茶，甜品就叫左Creme Brûlée (套餐+HKD 28)。个龙虾汤好好味，非常浓郁，个拉花真系唔错，几靓。个沙律份量几大，烟三文鱼好大块，啖啖肉，啲藜麦又多。个比目鱼扒肉质非常鲜嫩，又大块，卖相唔错，我个人几钟意佢既秘制酱汁。个红茶头意粉系粉红色，卖相好靓，有好香忌廉味，而食落去就好滑，口感唔错。鸡肉肉质都唔错。个红莓茶好清新，有红莓同蓝莓食，如果想甜啲既，可以选择落多少少糖浆。至于个甜品就卖相几好，个面够哂焦糖香味，而佢仲用左云尼娜籽整既添。