燒肉の牛太・本陣 (創紀之城五期(apm))

营业中

休息中

系观塘唔好以为一定食唔到好嘢，今次我要同大家分享一个超级抵食嘅日式烧肉餐厅。虽然佢主打系抵食同CP值高，但系佢哋嘅环境装修一啲都唔失礼，地方阔落宽敞，系传统日式烧肉嘅风格。今次我就试咗佢哋「CP值最高午市烧肉定食」入面嘅上级牛肋肉烧肉定食。🤑上级牛肋肉烧肉定食首先讲下牛肋肉啦，牛肉系日本直接进口，质素绝对系有信心保证，大家可以放胆食！落单嘅时候可以选择盐烧或者烧汁两种口味，我今次就拣咗试烧汁，烤熟之后味道更加会有层次感。一上枱已经见到肉质好细致，每一片牛肋肉色泽都好靓，雪花纹路分明。肉质更加入口即化，好似丝绸咁滑！😋套餐除咗有肉食之外，仲有一个免费嘅自助沙律吧。入面有沙律、水果、伴菜同甜品，总共都有唔少嘅款式可以选择，而且全部都系好新鲜，职员refill食物嘅程度亦都系好频密。🤩跟餐仲要有面豉汤同汽水，整体嚟讲都相当丰富，就算大食啲都可以食到好饱。以呢一个价钱嚟讲，食到咁嘅质素，系今时今日嘅香港其实都算值得推荐。😘