影片
更多
2024-06-13
22 浏览
周末小朋友同爸爸们去咗茶果岭公园，靓妈们可以去high tea😎拣咗附近呢一间超有渡假风情嘅靓Cafe，之前Bookmark咗一直好想试终于有机会啦. 餐厅有户内户外半露天座位，布置好啱打卡. 门口有个大花花拱门好靓. 室内用上干花束木系家具竹藤梳化等装饰，加埋有个被粉红色花海围住嘅鸟笼吊椅俾食客影相，真系心心眼. ⭐️自家制焦糖饼咖啡焦糖饼就咁食又得好香甜脆口，等佢慢慢融入咖啡之中又得，味道更有层次. 咖啡香浓. 焦糖控大爱. ⭐️西柚夏日梳打葡萄柚味好香浓清新解渴，绝对系夏日首选. 混合蝶豆花，颜色够梦幻鲜艳. ⭐️水牛芝士巴马火腿无花果沙律无花果好香甜，水牛芝士口感滑溜，巴马火腿咸香度刚好，配上清新沙律菜，有特色又有营养. 酱汁有橄榄油、香草同意大利醋，食落好轻盈. ⭐️香煎牛小排红咖喱意大利饭呢个fusion菜式好有惊喜. 用咖喱做主调嘅意大利饭辣辣地真系第一次食, 加埋菠萝、蕃茄、青豆等配料味道酸酸甜甜好开胃，仲有芝士片，非常丰富. 牛小排半生熟肉质够厚香口得来肉质保持嫩滑，简单煎香原汁原味. 饭粒有嚼劲粒粒分明. ⭐️法式焦糖卡士达疏乎厘班戟即叫即焗上枱好Q弹震震吓. 叠起咗三层造型
周末小朋友同爸爸们去咗茶果岭公园，靓妈们可以去high tea😎拣咗附近呢一间超有渡假风情嘅靓Cafe，之前Bookmark咗一直好想试终于有机会啦.
餐厅有户内户外半露天座位，布置好啱打卡. 门口有个大花花拱门好靓. 室内用上干花束木系家具竹藤梳化等装饰，加埋有个被粉红色花海围住嘅鸟笼吊椅俾食客影相，真系心心眼.
⭐️自家制焦糖饼咖啡
焦糖饼就咁食又得好香甜脆口，等佢慢慢融入咖啡之中又得，味道更有层次. 咖啡香浓. 焦糖控大爱.
⭐️西柚夏日梳打
葡萄柚味好香浓清新解渴，绝对系夏日首选. 混合蝶豆花，颜色够梦幻鲜艳.
⭐️水牛芝士巴马火腿无花果沙律
无花果好香甜，水牛芝士口感滑溜，巴马火腿咸香度刚好，配上清新沙律菜，有特色又有营养. 酱汁有橄榄油、香草同意大利醋，食落好轻盈.
⭐️香煎牛小排红咖喱意大利饭
呢个fusion菜式好有惊喜. 用咖喱做主调嘅意大利饭辣辣地真系第一次食, 加埋菠萝、蕃茄、青豆等配料味道酸酸甜甜好开胃，仲有芝士片，非常丰富. 牛小排半生熟肉质够厚香口得来肉质保持嫩滑，简单煎香原汁原味. 饭粒有嚼劲粒粒分明.
⭐️法式焦糖卡士达疏乎厘班戟
即叫即焗上枱好Q弹震震吓. 叠起咗三层造型更吸眼球. 面头淋上吉士奶盖同埋焦糖，表面在火炙至焦黄，疏乎厘口感棉密松软散发满蛋香，同平时疏乎厘班戟有啲唔同佢唔主打空气感，但系都好松软. 整体甜而不腻.
呢度有外表有内涵，好食又好睇，仲欢迎毛孩，难怪开业几年依然高踞区内受欢迎餐厅之列啦. 食物饮品多选择，真系去多几次都唔怕闷.
0 浏览
0 赞好
0 留言
1 浏览
0 赞好
0 留言
1 浏览
0 赞好
0 留言
1 浏览
0 赞好
0 留言
1 浏览
0 赞好
0 留言
张贴
