Kiuki Sweet Bakery

营业中

休息中

之前都食過一次呢間IG shop嘅原個蛋糕，今次試呢set係盒子蛋糕，有四款唔同口味，細細個每次食一盒就啱啱好。盒子蛋糕🌟草莓百香果呢款底層有奶凍，中間一層cream，然後鋪上蛋糕，面層再加左啲cream同果肉做裝飾，中間會食到味道酸酸甜甜百香果。蛋糕濕潤🌟斑斕芋泥麻薯上面綠色嘅蛋糕體係斑斕口味蛋糕，蛋糕都係好鬆軟濕潤，中間有芋泥、麻薯同cream，有麻薯嘅盒子蛋糕店員建議即日食，麻薯口感都幾煙靭，芋泥綿密帶有甜味。成個配搭都唔錯🌟伯爵焦糖奶凍店舖其中一款招牌口味，底層係伯爵奶凍，奶凍夠滑，中間嘅係自家製海鹽焦糖忌廉同伯爵蛋糕。茶味夠香濃，表面加咗半塊Lotus 焦糖餅作裝飾。🌟黑芝麻奶凍麻薯呢盒有齊晒奶凍同麻薯，而且忌廉係黑芝麻忌廉，配埋黑芝麻戚風蛋糕食，芝麻味真係好香濃，而且唔會好甜，口感亦都係比較豐富嘅一盒。