友義氣‧酸菜魚

营业中

休息中

酸菜鱼呢种近期好Hit嘅食物，今次带妈妈嚟观塘呢度试吓，呢间新开嘅餐厅环境好舒服，够晒光猛，而且空间感够大，午餐时段来到，等一阵就有位。肥牛酸辣粉$45午市套餐包埋饮品，非常抵食。肥牛份量好多，汤底亦都唔错，唔多味精嘅感觉，另外呢种汤粉比较粗身，口感弹牙，烟靭好味。酸菜鱼例牌$188 ，店家标明系用鲈鱼做嘅，鱼汤鲜甜好饮，我哋拣咗小辣，微微辣嘅味道刚刚好，更加带出到鱼汤浓郁嘅味道。汤底嘅香料非常丰富，令到味道嘅层次有好多重，令人印象难忘。鲈鱼嘅肉质本身好滑，加上吸收埋鱼汤嘅味道，呢一个果然系招牌菜，令人食过返寻味。我哋大家都非常满意，而且觉得抵食，加上招呼周到，真系一百分。