影片
更多
2024-12-01
118 浏览
今日趁要去观塘做嘢，就嚟呢间面屋常胜试下，听闻佢哋嘅虾汤拉面系必试之选。望到师傅喺开放式厨房度专心熬煮虾汤，个认真嘅表情已经话你知，呢度嘅嘢食绝对唔简单。行到热热地，第一时间叫咗杯冰冻嘅百事生可乐，配埋两款前菜：日本枝豆同埋滋味鸡软骨。枝豆热辣辣，轻轻撒上啲日本海盐，清甜可口一啲都唔死咸，配饮品最啱。讲到鸡软骨，真系令我大开眼界！外皮炸得金黄香脆，咬开嘅时候里面仲有汁，软骨位爽而唔会韧，配埋特制酱汁，香浓惹味得嚟又唔会漏气，食落完全唔会觉得系软骨咁难食，反而令人爱不释手。等咗大约10分钟，终于等到今日嘅主角 - 极尚浓虾汤叉烧拉面！一向唔会饮汤既我，碗面一嚟到，啲香味已经吸引我去饮，个汤底完全冇加味精，纯系用新鲜大头虾熬足成日，啲虾油浮喺汤面，金黄透亮，香气四溢。饮一啖汤已经感受到浓郁嘅虾鲜味，甜中带鲜，层次分明，仲有虾膏嘅香浓回甘，令我谂起日本食拉面嘅味道。讲到面条，韧度啱啱好，弹牙爽滑，完美吸收咗个汤底嘅精华。叉烧肉肥瘦比例适中，唔会死咸，配埋个虾汤简直就系绝配。最欣赏佢哋啲店员态度亲切，仲会细心推介，你有咩食物好食，睇得出佢哋对食物嘅坚持同用心。$88食到呢个水准嘅拉面，仲要系咁
行到热热地，第一时间叫咗杯冰冻嘅百事生可乐，配埋两款前菜：日本枝豆同埋滋味鸡软骨。枝豆热辣辣，轻轻撒上啲日本海盐，清甜可口一啲都唔死咸，配饮品最啱。讲到鸡软骨，真系令我大开眼界！外皮炸得金黄香脆，咬开嘅时候里面仲有汁，软骨位爽而唔会韧，配埋特制酱汁，香浓惹味得嚟又唔会漏气，食落完全唔会觉得系软骨咁难食，反而令人爱不释手。
等咗大约10分钟，终于等到今日嘅主角 - 极尚浓虾汤叉烧拉面！一向唔会饮汤既我，碗面一嚟到，啲香味已经吸引我去饮，个汤底完全冇加味精，纯系用新鲜大头虾熬足成日，啲虾油浮喺汤面，金黄透亮，香气四溢。饮一啖汤已经感受到浓郁嘅虾鲜味，甜中带鲜，层次分明，仲有虾膏嘅香浓回甘，令我谂起日本食拉面嘅味道。
讲到面条，韧度啱啱好，弹牙爽滑，完美吸收咗个汤底嘅精华。叉烧肉肥瘦比例适中，唔会死咸，配埋个虾汤简直就系绝配。最欣赏佢哋啲店员态度亲切，仲会细心推介，你有咩食物好食，睇得出佢哋对食物嘅坚持同用心。
$88食到呢个水准嘅拉面，仲要系咁高质素嘅服务，喺香港真系少有。呢间面屋常胜绝对系观塘区嘅隐世美食，一定要约埋亲朋戚友嚟试下！
推介指数：⭐⭐⭐⭐⭐ (5)
再嚟指数：一定会！
$88
6 浏览
0 赞好
0 留言
张贴
