上海榮華川菜館

营业中

休息中

已经食过几次既观塘上海菜老店，有住家菜既风味，最挂住佢杯八宝茶！餐厅内外位于观塘街市附近，小店细细一间，座位不多。食物选择今次都系食二人套餐，多选择得嚟抵食。二人套餐 $196/$218 $196包小点一款、汤一款及小菜一款，而$218就包汤一款及小菜两款，我同友人拣左后者。汤一款：云吞鸡汤今次+$25要云吞鸡，份量都几多，有1/4只只左右，有鸡脾位，云吞都有3大粒，汤头几清透，鸡汤味浓，一人饮到几碗。小菜两款：回锅肉食过几次都冇试过回锅肉，肉片薄身得嚟挂汁，属半肥瘦，酱汁唔算辣，反而甜味较多，𩠌饭一流，不经不觉全部食哂！小菜两款：口水鸡上次试左花雕醉鸡，今次就试下口水鸡。估唔到面头舖满哂花生碎，色泽唔系我哋平时见到嘅鲜红色，而系偏深啡色，食落去麻味比较出，唔算辣，出奇地系会有花雕醉鸡果股酒味，而且仲几重添，比较特别嘅口水鸡味道。奉送：白饭及八宝茶要数最爱之一，一定系八宝茶，清甜无比，配料有菊花、红枣、枸杞，仲有果皮等等。所以好清甜，仲可以不停加热水饮到你够为止！观塘食上海菜小店，我一定会谂起呢间，款式多，价钱合理。