蛇王娟

营业中

休息中

寒冷的北风吹吹吹，吹我要快啲食返碗太史五蛇羹暖一暖个身。帮衬咗呢间观塘老店好多年，好味兼足料之余最重要嘅就系佢嘅蛇汤可以添饮唔洗加钱。系，我认我系贪心嘅，不过咁好味，贪心啲都真系情有可原。今晚叫咗个细蛇羹餐(即系B餐)，有一碗细嘅腊味糯米饭，一碗细蛇羹，再加一碗蛇汤。腊味糯米饭入面有腊肠、腊肉、花生同葱花等，味道还可以。呢度嘅蛇羹真系好足料，睇吓幅相几full你就知道啦。另外lemon grass同薄脆又点少得呢！今晚我一共饮咗两碗蛇汤，第二碗仲要热辣辣，饮完成个人即刻暖笠笠。