花園餐廳 (康寧道)

营业中

休息中

话说呢间位于康宁道晨光大厦嘅「花园」，从裕民坊多年楼上舖搬到嚟呢处都经已年计。小弟入到嚟准备写食评时一睇，真系何其唏嘘，想当年旺起上嚟客倌要企楼下吹风食尘等位嘅港式著名扒房，如今不但食评寂寥，就连临打烊前一个钟上到去，都显得冷冷清清。原个叮热松软餐包配以原粒安佳牛油，放响呢一个好似从来都唔会洗同换嘅面包篮入面，罅隙之间总系有啲挥之不去陈年面包碎，就好似童年时望住街边鸡蛋仔留口水。嗱识饮就梗系饮红汤，绝对唔会饮由面粉沟成嘅白汤。睇睇孖份T骨扒个造型先。嚟多张横切面。可能由于客已经少再加上就快打烊嘅关系，扒好明显未完全解冻就烤，造成难切、切开之后冇肉汁、未入口已经起哂渣嘅严重水准问题。好在有个蒜汁顶住，但系T骨周边肉质明显太生，赶住收工嘅嫌疑好大。牛味唔及西冷同肉眼，以呢个价钱，下次我都系食番肉眼稳阵，但系呢个「下次」将会系「明年之后。」睇左呢两杯仍然可靠嘅餐饮份上，我畀个「ＯＫ。」明年今日再会！