Cobber Coffee and Tonys Pastry (裝修中)

嚟过嘅朋友仔都知，呢间cafe经常满座，真系好高人气。今日特登5点几去到，都见到有唔少人等紧。拎咗飞系后楼梯等，最后等咗半个钟左右就可以入座。蒜香蟹肉意粉 $126呢款意粉系会比较干身，落单个时可以拣埋辣度，我哋就拣咗正常辣度。意粉食落好香蒜味，道味比想像中辣之余，仲会愈食愈辣，同埋辣味会一直停留喺口腔里面。而蟹肉份量都唔少，差唔多每啖都会食到。黑松露忌廉杂菌意粉 $112一上枱就闻到浓郁嘅黑松露味，意粉好弹牙，配料份量都好足。蜜糖芥末鸡翼 $68鸡翼都算大只，啲肉都好滑，炸完仲保留到啲肉汁。榛子、朱古力、焦糖香蕉梳乎厘班戟 $95嚟呢度最期待就系食甜品，今次就先试梳乎厘。落单𠮶阵记得拣返后上，食到咁上下再同店员讲返，制作时间大概10分钟左右。香蕉表面有层焦糖，味道唔会太甜。梳乎厘口感松软绵密，而且蛋味都好突出，配埋榛子朱古力酱真系令人食唔停口。仲可以落埋糖浆，口感会更丰富。芒果乳酪碎冰 $48乳酪碎冰都几大杯，两个人share饮都够。味道酸酸甜甜，顺便可以解下辣。总括嚟讲，食物都几好食，环境都好舒服。都冇限制用餐时间，可以慢慢食倾下计。