東羅 泰館 (已結業)

今日同朋友嚟开观塘行松本清，行咗一阵之后觉得肚饿，就去咗裕民坊度「揾食」！行行下咁啱俾我哋上到一个平台度，见到一间泰国嘢好似唔错，就去咗食。由于我哋真系几肚饿，所以我哋都嗌咗几多嘢食！环境方面，空间阔落，氛围几chill。我哋嗌咗一个泰馆虎虾冬阴功汤面、椰子沙沙、泰式酸辣柚子虾沙律、泰式咸蛋黄卡邦尼意粉、炭烧烤鱿鱼、泰式奶茶及 泰式咸蛋黄单骨鸡翼。泰馆虎虾冬阴功汤面冬阴功味几浓，酸酸辣辣咁，而且虎虾都好大只，仲有啲草菇，芽菜同埋蕃茄仔咁。几好食！泰式酸辣柚子虾沙律柚子嘅份量都好多，而且都系好甜，唔会涩！个汁方面唔会太辣，啱啱好。而且佢嘅虾亦都系虎虾， 十分大只！泰式咸蛋黄卡邦尼意粉原来咸蛋黄同卡邦尼意粉系咁夹，好creamy，好好食，我朋友好快就食晒。炭烧烤鱿鱼鱿鱼嘅份量唔算好多，但鱿鱼夹埋个汁好好食。泰式咸蛋黄单骨鸡翼呢个单骨鸡翼热辣辣食真系好正，好重咸蛋黄味，又脆，好好食。椰子沙沙大大杯感，椰子味都好重，系夏天饮真系啱晒。泰式奶茶佢嘅泰式奶茶唔会真系好似泰国嘅奶茶咁好甜，而系甜度适中，又不失泰国奶茶嘅味道，好似！估唔到咁都俾我哋揾到间咁高质嘅泰国餐厅，下次再有机会嘅话我一定会再嚟食