川霸王 (已結業)

话说今日系观塘做完facial，肚仔十分饿，紧系揾下有咩平靓正既美食，大家都知其实观塘都有好多各式各样既小店，而且性价比好高既食店，而今次我就去左鸿图中心内既川霸王。呢间铺头都系岩岩开张无耐，系个商场岀口既第一间，绝对唔难揾既👍🏻店舖既装饰好简洁，不过应该做外卖较多，因为场内既堂食位唔算多，如果系繁忙时间应该要等位😊😊⭐️驰名水煮腩片加饭($52)呢个水煮腩片真系好抵食，而且好足料，我今次叫左个中辣，一啖腩片一啖饭😍😍😍绝配，更值得讲既系佢碗饭真系超级大碗😁 但因为个水煮腩片太好食同惹味，我系食哂成碗饭🤣真系非常大食 ⭐️鸡丝粉皮(套餐连饮品加$12) 呢个鸡丝粉皮系用芝麻酱铺出嚟，配埋鸡丝粉皮都好夹👍🏻份量适中，鸡丝都好多😆抵食 ⭐️孜然鸡翼 ($18)呢个孜然鸡翼好好味，岩岩炸岀黎皮好脆，好多肉汁🤤🤤🤤 一定要食👍🏻👍🏻 佢仲有得简3只同6只，当然价钱唔同🤣😆 ⭐️茉莉茶呢个应该系餐厅自制既饮品，当食到好辣既时候饮一啖真系好解辣，而且茉莉花茶好香👍🏻👍🏻👍🏻总括黎讲，呢间店舖既野食好岀色，性价比高，而且好抵食👍🏻会再同朋友过黎食👍🏻👍🏻👍🏻