影片
更多
2024-06-03
68 浏览
千之味外卖就试过，堂食就真系冇试过，咁啱朋友话见到观塘有一间千之味，个位置又好似好偏僻，谂住谈心一流，就谂住过去帮衬下。其实同朋友一路倾住计行过去又唔会觉得好远，就真系近码头𠮶边，入座个时又真系冇乜人，希望我哋唔会讲嘢太大声嘈亲人啦。呢一间千之味都唔净止剩系得寿司，仲有串烧，见到都系十零廿几蚊一串，见咁抵食就算远都值得。‣ 火龙卷 $78佢嘅火龙卷卖相真系一流，好啱打卡。火龙卷好简单粗暴，就系炸虾、紫菜饭同蟹籽，我觉得佢个份量同寿司大细都啱啱好，食落都唔会觉得好腻，加上我又好钟意食佢啲蟹籽，同朋友两个人好快就清晒。‣ 海胆花之恋 $65虽然个份量比较细份啲，但系我觉得都几好，可以悭返个位食多啲其他嘢，海胆唔腥呢点几惊喜，而且都食到海胆嘅甜味，都唔错。‣ 鳗鱼忌廉芝士卷 $58呢一个份量就比较大份啲，入口嘅时候忌廉芝士嘅味道充斥住你成个口腔，我好钟意忌廉芝士𠮶种绵滑嘅口感，虽然有少少抢咗鳗鱼嘅味道，但系我觉得整体配搭都好唔错，自己都几钟意。‣ 带子刺身 $68啲带子几鲜甜，而且唔会有雪味，餐厅都将啲带子切得几厚身，食落去都觉得几满足。‣ 炸鸡软骨粒 $30我自己本身就好钟意食鸡软骨，本身
千之味外卖就试过，堂食就真系冇试过，咁啱朋友话见到观塘有一间千之味，个位置又好似好偏僻，谂住谈心一流，就谂住过去帮衬下。其实同朋友一路倾住计行过去又唔会觉得好远，就真系近码头𠮶边，入座个时又真系冇乜人，希望我哋唔会讲嘢太大声嘈亲人啦。呢一间千之味都唔净止剩系得寿司，仲有串烧，见到都系十零廿几蚊一串，见咁抵食就算远都值得。
‣ 火龙卷 $78
佢嘅火龙卷卖相真系一流，好啱打卡。火龙卷好简单粗暴，就系炸虾、紫菜饭同蟹籽，我觉得佢个份量同寿司大细都啱啱好，食落都唔会觉得好腻，加上我又好钟意食佢啲蟹籽，同朋友两个人好快就清晒。
‣ 海胆花之恋 $65
虽然个份量比较细份啲，但系我觉得都几好，可以悭返个位食多啲其他嘢，海胆唔腥呢点几惊喜，而且都食到海胆嘅甜味，都唔错。
‣ 鳗鱼忌廉芝士卷 $58
呢一个份量就比较大份啲，入口嘅时候忌廉芝士嘅味道充斥住你成个口腔，我好钟意忌廉芝士𠮶种绵滑嘅口感，虽然有少少抢咗鳗鱼嘅味道，但系我觉得整体配搭都好唔错，自己都几钟意。
‣ 带子刺身 $68
啲带子几鲜甜，而且唔会有雪味，餐厅都将啲带子切得几厚身，食落去都觉得几满足。
‣ 炸鸡软骨粒 $30
我自己本身就好钟意食鸡软骨，本身谂住细细份嗌个半客试吓，点知佢嘅半客等同我想像中嘅一客。我几钟意佢啲软骨，够晒大粒，食落去嘅时候又唔会一大浸油味，佢系偏干身少少，但系反而我又几钟意佢嘅口感。
‣ 烧鱿鱼筒 $68
佢嘅鱿鱼筒都系比我想像中大份，呢个价钱嚟讲绝对系抵嗌，面头上嘅照烧汁都系啱啱好，唔会令到个鱿鱼筒太重酱汁味，而照烧汁嘅味道唔会太甜又唔会太死咸，如果听日唔使返工就一定嗌酒饮，搭配鱿鱼筒真系一流。
‣ 三文鱼蟹籽沙律 $50
佢拎上枱嘅时候，我俾佢嘅份量都吓咗一跳，真系同poke bowl冇乜分别。舖头都好贴心将沙律酱嘅份量另上，初时我仲心谂咁大兜沙律酱使唔使，点知道个沙律上枱嘅时候，我就知道真系需要咁多，食完个沙律都已经饱咗一半。
‣ 厚烧玉子 $30
个玉子嘅味道都几好，入口会食到少少甜味，口感比较厚实。唯一比较可惜就系入面冇乜馅料，如果有嘅话味道就会更加丰富。
‣ 鸡泡鱼干 $33
呢个就真系要趁热食，冻咗嘅话就硬绷绷冇咁好食，平时喺啲餐厅到嗌都要五十以上，见到呢到只不过三十几蚊就忍唔住嗌咗，我谂搭配酒嘅话应该一流。
‣ 盐烧鸡中翼 $11
平时啲烧鸡翼都好贵，佢嘅鸡翼都几平。相对上烧得比较干身，但系都食到啲鸡油嘅香味，就咁食其实比较寡啲，要开胃啲嘅话就真系要饮酒。
‣ 鸡肉软骨棒 $11
可能因为我真系好钟意食软骨类，所以我好钟意呢一个鸡肉软骨棒，如果有鸡蛋搭配就更加好啦，不过其实就咁食都几好食，价钱又唔系好贵，都几值得嗌嚟试吓。
‣ 汁烧帆立贝 $22 & 翠玉瓜 $11
帆立贝同翠玉瓜都系正常发挥，不过我觉得呢一个价钱都算系咁，最紧要系虽然好多嘢都系汁烧，但系你都唔会话食到好腻，或者净系食到酱油嘅味道，完全冚过晒本身食材嘅味。
张贴
