影片
更多
2024-11-07
370 浏览
泰味泰国餐厅今次要介绍喺观塘时运工业大厦入面有一间隐世泰国菜餐厅，隐世到升降机一开只系见到雨伞舖，左揾右揾先揾到呢间隐世泰国菜餐厅，一入到去见到几乎全部爆满，轮椅人士如果要去呢间餐厅食野都超方便，时运工业大厦隔离有好多巴士站，搭巴士嚟呢一度好方便，沿途无障碍，有升降机又唔洗用斜板，环境又算好大，简直啱哂大家心水！1.泰式虾膏海鲜炒饭$70+冻泰式奶茶$3（9/10）呢碟泰式虾膏海鲜炒饭个饭炒得好香，海鲜配料都算好多，入面有青口、虾仁、鱿鱼、青瓜、蕃茄同三色豆等，果日咁啱呢个套餐加$3就可以饮到冻泰式奶茶，呢杯冻泰式奶茶只系有少少甜，都算好饮！2.泰式小食拼盘$118（8/10）有选择困难症嘅你不妨叫呢个泰式小食拼盘，一共有四款小食，每款3旧，总有一款小食啱你食，我自己就最钟意炸虾饼同炸春卷！3.泰式串烧（半打，牛鸡各3）$98（8.5/10）串烧我拣咗3串牛肉同3串鸡肉，牛肉有少少韧，鸡肉有少少咸，都系荃湾泰味最正！4.海鲜冬阴功汤（细）$82（10/10）呢个细份嘅海鲜冬阴功汤，一递上枱唔觉得细份，四人一齐饮都足够，入面海鲜配料非常多，有大量秀珍菇、青口、鱿鱼同蕃茄等，酸酸辣辣好开胃
今次要介绍喺观塘时运工业大厦入面有一间隐世泰国菜餐厅，隐世到升降机一开只系见到雨伞舖，左揾右揾先揾到呢间隐世泰国菜餐厅，一入到去见到几乎全部爆满，轮椅人士如果要去呢间餐厅食野都超方便，时运工业大厦隔离有好多巴士站，搭巴士嚟呢一度好方便，沿途无障碍，有升降机又唔洗用斜板，环境又算好大，简直啱哂大家心水！
1.泰式虾膏海鲜炒饭$70+冻泰式奶茶$3（9/10）
呢碟泰式虾膏海鲜炒饭个饭炒得好香，海鲜配料都算好多，入面有青口、虾仁、鱿鱼、青瓜、蕃茄同三色豆等，果日咁啱呢个套餐加$3就可以饮到冻泰式奶茶，呢杯冻泰式奶茶只系有少少甜，都算好饮！
2.泰式小食拼盘$118（8/10）
有选择困难症嘅你不妨叫呢个泰式小食拼盘，一共有四款小食，每款3旧，总有一款小食啱你食，我自己就最钟意炸虾饼同炸春卷！
3.泰式串烧（半打，牛鸡各3）$98（8.5/10）
串烧我拣咗3串牛肉同3串鸡肉，牛肉有少少韧，鸡肉有少少咸，都系荃湾泰味最正！
4.海鲜冬阴功汤（细）$82（10/10）
呢个细份嘅海鲜冬阴功汤，一递上枱唔觉得细份，四人一齐饮都足够，入面海鲜配料非常多，有大量秀珍菇、青口、鱿鱼同蕃茄等，酸酸辣辣好开胃，好好饮！
5.芒果糯米饭$55（7/10）
呢个芒果糯米饭无荃湾泰味咁正，糯米饭有少少硬心，芒果切得唔够肉厚，椰汁又淋得太多，变相唔够美观！
6.原个椰青$42（10/10）
呢个椰青好饮过荃湾泰味，饮落好清甜！
最后仲送咗两碗椰汁芋头西米露比我哋饮，唔会好甜，芋头够淋身，好饮！
P.S：由2024年11月1日起，凡出示残疾人士登记证，只要消费，全枱每一位送泰式奶茶及一个指定泰式甜品。
2人总共价钱$468
个人口味总评分：8.75/10
@thai_tastyy
地址：观塘观塘道404号时运工业大厦1楼C室
Please follow me🙆♂️ @wheelchaireatinhongkong
如果钟意我嘅分享，麻烦请follow我，仲有记得Like同Share！🙏🏻🙇🏻♂️
#泰味泰国餐厅 #泰国菜 #观塘 #观塘好去处 #观塘美食 #时运工业大厦 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
张贴
