新匯聚打冷小廚 (已結業)

放工同老公系观塘区揾食，见呢间野都几旺场，就胆粗粗试下。一坐低见到串烧，好想试下，就叫左几款。烧得几惹味，火喉岩岩好，有惊喜呀。蚝仔粥我就最钟意既，蚝既size大小适中，粥水比例亦唔错，系上盛既出品。黑椒猪手又系我另一个最爱，浓浓既黑椒汁加埋啖啖肉既猪手，真系无办法唔食多两碗饭呀。而且个size 都几大，差少少食唔哂。食咁多肉就梗系叫番个菜黎中和下，金银蛋津白，上汤香味浓郁，津白幼嫩，质素非常好。呢度既菜色出品好好，另一样想赞下既系好少打冷中菜馆咁干净，又阔落，令人食得好开心，饮得好舒畅。