普羅旺斯餐廳 (已結業)

观塘有间法国菜有好多人试过，虽然同区来讲价钱唔算平，而且餐厅要预先约先有得食，红日又唔开，不过今次好好彩可以嚟到试下！餐厅职员好主动同我哋倾偈，讲到明食法国菜呢度嘅环境唔算靓，但系食物绝对可以保证高质！法式凯撒沙律配巴马火腿作为refreshing嘅头盘，食咗呢个好开胃，面包糠够脆，parma ham薄切大块唔会过咸。法式橄榄油黑松露野菌野鸡仔鲜香草野米饭来自法国嘅野鸡仔皮薄肉嫰，超juicy！一开头见到野米饭旁嘅黑松露同橄榄油，感觉好似好肥腻，但原来捞埋一齐食1d都唔油腻，反而仲好香添！口感几丰富，食落野米饭偏酸，个人几中意！蕃茄汤配法式蒜蓉包呢度嘅蕃茄汤同出面唔同，用咗三种唔同嘅蕃茄熬制出咁浓郁嘅汤底。饮落第一啖觉得偏酸，但饮下饮下又觉得酸得来带甜，另外再加上啲烧过嘅带子粒，令到成碗汤嘅层次更丰富，大推！蒜蓉包外脆内软，好香！冰镇荔枝蕃茄几有特色嘅一道refreshing菜，蕃茄配上荔枝汁同薄荷叶，可以清清口腔！法式香橙烧酿鸭胸配香橙冧酒汁煎得好香又脆身，鸭胸油残留喺口腔当中，配埋香橙冧酒可以减轻当中嘅油腻感。柠檬茶绝对唔系普通货色架，系手摇柠檬茶配上天然嘅柠檬油。