牛霸王

营业中

休息中

最近发现咗观塘一间隐世嘅日式餐厅「牛霸王」，虽然喺工厦入面，但系装修好有心机，好有日式居酒屋嘅feel，用色温暖，坐得几舒服。今次必试嘅系招牌手打和牛汉堡兰王蛋丼饭！个汉堡扒肉质鲜嫩多汁，牛味香浓得嚟又唔会膻！最正系上面仲有个兰王蛋，个蛋黄流心流晒落个饭度，同秘制汉堡汁混埋一齐，香浓得嚟又唔会太漏！配埋碟头嘅日式泡菜，酸甜开胃，解腻一流。啲饭用料系日本米，软绵绵又够弹牙浓茄野菌炖牛肋肉饭就系另一种层次嘅美味，啲牛肋肉炖到软绵绵。个浓茄野菌酱汁香浓惹味，蕃茄汁又新鲜蕃茄打成，加埋啲野菌香味，食完都唔觉漏，配饭一流！照烧鸡扒沙律就比较清新，鸡扒表面炙烧到香脆，肉质嫩滑多汁，照烧酱甜度啱啱好冇咁漏。底层嘅沙律菜新鲜爽脆，配埋日本沙律醋，开胃解腻嘅同时又唔会太单调。总括嚟讲，呢度嘅嘢食真系值得一试，但系用料同做工都好高水准。手打和牛汉堡兰王蛋饭系限量供应，想食就要早啲去！