五月食堂 (已結業)

今日又去观塘做野，lunch time时间就去睇下有d咩食，见到骏业街熟食中心入面都有各式各样嘅餐厅，见到有间叫五月食堂嘅环境光鲜，而且menu上食物吾错，就入去试下。见到有期间限定，所以order左纽西兰顶级PS肉眼扒(110g)拼鱿鱼圈，跟意粉配烧汁，另加日式煎饺子及冻柠檬茶。纽西兰顶级PS肉眼扒真系品质高，牛味重但入口即溶因为脂肪及肉质分布平均，配上杂豆同埋意粉食系绝配，烧汁就带出吾同层次味觉。鱿鱼圈有3件，炸得金黄香脆又不失海鲜味道。日式煎饺子煮得刚刚好，煎到外皮吾㶶但香口，入面馅料十分充足，加埋冻柠檬茶，为依个lunch划上完美句号。