Non Kitchen

营业中

休息中

观塘，其中一个出名多隐世餐厅嘅地方，位于观塘同牛头角之间嘅「Non Kitchen」就系其中之一喇。「Non Kitchen」地方大而整洁，环境亦比到食客一个好舒适嘅感觉。晚市套餐好抵食，由$198-$378，有沙律/餐汤，main cause，甜品同一杯餐饮。不过今日我就唔食晚市套餐，因为我已经俾menu上嘅嘢食吸引咗喇。点好嘢食，好快就提供咗餐包，简简单单嘅提子包同脆条，配上黑松露牛油，简单得嚟带点不平凡。白蘑菇蒜蓉雪茄：食得嘅雪茄，极之相似。佢用咗春卷皮包住白蘑菇蒜蓉，再炸至金黄色。黑色扮烧过嘅系黑松露面包糠，旁边嘅应该系松露油粟米蓉。味道好，卖相一绝。蒜香牛油鸡翼：鸡翼先炸到香脆，再加上蒜蓉牛油兜浑，非常之好食。 餐厅将鸡翼切开成为一字骨，食起上嚟方便好多。日本鹿儿岛黑豚肉扒：厚厚嘅鹿儿岛黑豚肉扒，烧得靓靓嘅网纹，光系睇口水已经流晒出嚟嘢。切开肉质粉嫩，入口肉嫩多汁，处理得非常之好。苹果挞：薄薄既挞底，上面有住好多薄切苹果。虽然系薄切苹果片，但依个确实系好出色嘅苹果挞。加埋云呢拿雪糕一齐食，一冻一热，口感幼滑。破晓：榛子咖啡配上Baileys，再加埋一大球嘅云呢拿雪糕，甜得嚟带