Mela Italian & Spanish Cuisine (已搬遷) 新店位置

朋友介绍嚟观塘工厦食西班牙菜，真系大开眼界，原来而家工厦入面咁多不同国家野食。7点半嚟到，已经坐满晒，好在有订位。安排左边高台，都几舒服。叫左杯honey apple cider, 苹果醋特饮，醒胃，酸酸甜甜，又唔太酸，好fresh!头盘叫左香辣单骨鸡翼，唔算太辣，但野味，单骨容易食，用刀切开d肉嚟食，减少食鸡翼既尴尬，真细心。而且刚炸起，热辣辣朋友叫了黑毛猪肉丸，平时我麻麻地，因为觉得一般市面既都死死实实，但呢度用黑毛猪，d肉松软好多，而且配左茄蓉同好多cheese, 感觉唔干，好rich, 改变左我对肉丸既睇法店员介绍pasta系每日手制，一定要试吓啦! 蚬肉墨鱼阔面，好多蚬，而且好肥无沙，墨鱼面烟韧。烧牛肋骨，比我想像中大份，真系原条肋骨连骨咁烧，好香，而且肉质嫩，烧到啱啱好，配合红酒烧汁都几夹。旁边既焗蒜同薯仔都好食，全碟清晒，但好饱。整体食物同服务都唔错，每人大概三百左右，有呢个quality，又饮左野, 都唔错。