小火焰韓式咖啡廳 (觀點中心) (已結業)

之前来过许多次帮衬，这里美食样样都咁好味，回头指数极高。平时真系无咩机会留肚食佢地嘅甜品。趁今晚和朋友APM睇完戏，下半场就过来食下小食甜品啦。蜂蜜提子脆米炸鸡(半份) $88鸡皮炸到要用「脆卜卜」三个字来形容。涂了蜂蜜糖浆味道清甜易入口，虽然系炸鸡但就唔系好油腻。鸡锤大件外脆内软，大啖一咬好幸福，肉嫩有汁味道好得，值得推介！紫薯沙冰 $46卖相吸引紫色大大杯劲襟饮，放了几粒紫薯有诚意，饮落好香浓紫薯味，沙冰幼滑甜度适中而且够冻，饮至杯底味道仍未变淡，相当好饮和抵饮。芒果布朗尼3.6牛乳雪花冰 $68面层布满芒果粒粒和一球芒果雪糕球带出芒果芳香，冰里渗透著淡淡的奶香味，味道清清地，绵滑的口感可以慢慢叹，几粒布朗尼蛋糕食落系有点甜腻，食番啖雪花冰就可中和返味觉，大大碗确系抵食。