御泰坊-泰越菜 (裝修中)

难得同旧同事聚会，点都要食好少少既，系星期五晚七点几，等位都系等左20分钟到，算好架啦。一行四人睇左个MENU 十分钟，谂黎谂去都唔知拣咩好，最后废事谂，叫个4人餐算。首先上既系南瓜粟米汤，个汤既香又CREAMY，不过有D似罐头汤。之后黎既就系呢个拼盘啦。虾饼唔太大件，都几脆口,味道唔错既。鸡翼有4只，但系佢地帮我地斩开一半，方便我地食，呢方面值得一赞。 至于个蟹籽扎肉米纸卷个皮好烟韧同几爽口。菠萝鸡粒炒饭无咩特别，食泰国菜10次有7次都食呢个炒饭架啦。蒜茸炒杂菜，好多菇，我的至爱。盐焗海鱼好大条，虽然咸左少少，但系卖相算唔错。海南鸡鸡肉很嫩滑。以下呢个香茅柠檬叶炒大虾完全唔觉有柠檬或者香茅味，仲有点儿过咸。不过如果用黎送饭既都应该OK既。最令人失望既应该就系个甜品，食泰国菜，以为套餐包既甜品差极都有件椰汁榚呀，点知原来系蛋榚，完全唔ARM FEEL都算啦，仲要系可以用难食两个字黎形容。其实OVERALL黎讲今餐饭算OK既，不过如果可以将个汤转做泰式饮品同埋俾样泰式少少既甜品就更加好啦。