小明珠

营业中

休息中

餐厅位于观塘联安街街尾，如果唔系特登行上黎都见唔到呢到原来开左间上海菜馆。餐厅由有超过30年酒店中菜经验嘅名厨创立，去开观塘买野，今晚就黎试下。餐牌价钱唔贵，食物种类好多，小菜、粉面饭、上海点心、甜品，通通都有。招牌小笼包/4只 ($45)小笼包做到皮薄而且多汁，一咬落去有爆汁嘅效果，果然系招牌菜。红油抄手($42)正宗红油抄手，6粒都大大粒，豉油甜甜地，加上面头嘅辣椒酱好香，食起上黎好惹味。鸡丝粉皮 ($68) 爽口弹牙嘅粉皮加上嫩滑鸡丝、爽脆青瓜丝捞埋浓厚花生酱，系炎热嘅夏天食呢道冷盘，有一种透心凉嘅感觉。担担面(排骨) ($68)担担面汤底花生味非常汤郁，面条好细滑，配上葱粒同肉粒好香。上海排骨虽然系炸，但一啲油腻感都无，而且咬落啖啖肉，肉质松软，好少铺头可以做到。雪菜肉丝炒年糕 ($78)雪菜肉丝炒年糕虽然用料简单，但越简单就越睇得出材料嘅质素同厨师功力。年糕系用上海水磨年糕，雪菜唔会死咸，肉丝大大条，用料完全唔马虎。厨师控制火喉控制得好好，年糕抄到烟烟韧韧 ，味道适中，配埋豆瓣酱，令成碟菜更为出色。餐厅价钱贴地，食物水准高，抵食夹大件，钟意食上海菜嘅朋友真系唔好错过。